Category: Uncategorized

Princi Leka dhe partnerja e tij, Blerta Celibashi, do të jenë të ftuarit e parë në emisionin e Arbanës Osmanit, “Mbrëmja Yje”.

Ndërsa pritet transmetimi i episodit të plotë, moderatorja ka publikuar një pjesë në rrjetet sociale, ku dëgjohet një deklaratë surprizuese nga ana e Princit.

Në pjesën e videos, Princi Leka dëgjohet të thotë: “Personi i parë që unë kam njoftuar për lidhjen time me Blertën ka qenë pikërisht Elia.” Kjo deklaratë ka tronditur ndjekësit, duke shkaktuar menjëherë një valë komentesh.

Ky rrëfim vjen pas ndarjes së bujshme të Princit nga ish-bashkëshortja e tij, Elia Zaharia, një ndarje që u shoqërua me shumë polemika dhe përplasje publike.

Deklarata e Princ Lekës ka krijuar konfuzion te publiku, duke ngritur pikëpyetje mbi raportin e tij me ish-bashkëshorten pas ndarjes.

21:58 | 25 Shtator 2025

E.G

Shtatë shqiptarë janë dënuar me burgim me një total prej gati 40 vitesh në Britani të Madhe, pasi u dënuan për përfshirjen e tyre në një rrjet të madh furnizimi me drogë me seli në West Midlands.

Në maj 2022, oficerë nga Policia e West Midlands dhe Njësia Rajonale e Krimit të Organizuar të West Midlands (WM ROCU) filluan një hetim mbi shitjen dhe prodhimin e kanabisit në shkallë të gjerë në të gjithë Mbretërinë e Bashkuar.

Sipas njoftimit të policisë britanike, shtatë burrat, të arrestuar dhe të akuzuar si pjesë e hetimit, të gjithë pranuan fajësinë për komplot për furnizim dhe prodhim kanabisi.

Të mërkurën e kaluar (17 shtator), nga Gjykata e Birmingham u dënuan:

Erikson Kararaj, 34 vjeç, nga Perry Wood Road, Birmingham, u burgos me tetë vjet;
Arben Sinjari, 48 vjeç, nga Esher Road, Birmingham, burgoset me shtatë vjet;
Islam Toro, 31 vjeç, nga Railway Street, Tipton, u burgos me pesë vjet e tetë muaj;
Klajdi Zyka, 28 vjeç, nga Station Street, Darlaston, u burgos me pesë vjet;
Qemal Sakaj, 29 vjeç, nga Borrrowdale Road, Birmingham, u burgos me katër vjet e gjashtë muaj;
Avdulla Delbashi, 31 vjeç, nga Fountain Road, Birmingham, u burgos me katër vjet e katër muaj;
Soni Gremshi, 37 vjeç, nga Greenholm Road, Birmingham, u burgos me tre vjet e katër muaj.

Sipas policisë britanike nga hetimi u zbulua se Sinjari dhe Kararaj drejtonin grupin, i cili prodhonte kanabis në një numër pronash në të gjithë Mbretërinë e Bashkuar – duke harxhuar në mënyrë të paligjshme energjinë elektrike.

Burrat e tjerë ishin të përfshirë në mirëmbajtjen e kultivimeve dhe më pas do të përfshiheshin në shitjen dhe shpërndarjen e disa kilogramëve  në të njëjtën kohë në të gjithë vendin.

Mesazhet telefonike dhe regjistrat e shkruar me dorë, të gjetura nga oficerët nga adresa e Sinjarit, treguan se grupi ishte në fund të fundit përgjegjës për prodhimin dhe shitjen e qindra kilogramëve kanabis. /Klankosova.tv

5

Hemoglobina është një proteinë që gjendet tek rruazat e kuqe të gjakut. Ajo janë përgjegjëse për transportimin e oksigjenit në mbarë organizmin. Përpos kësaj, hemoglobina nxjerr dioksidin e karbonit jashtë qelizave dhe në mushkëri.

Më pas dioksidi i karbonit nxirret gjatë frymëmarrjes. Sipas të dhënave sasia e ulët e hemoglobinës vështirëson kryerjen e këtyre funksioneve në organizëm. Në këtë artikull do të mësoni më shumë për mënyrat e rritjes së nivelit të hemoglobinës në organizëm.

Merrni më shumë hekur

Duke ngrënë më shumë ushqime të pasura me hekur, nivelet e hemoglobinës do të rriten ndjeshëm. Hekuri përmirëson prodhimin e hemoglobinës dhe formimin e rruazave të kuqe të gjakut.

Ushqimet e pasura me hekur

Mishi dhe peshku

Vezët

Frutat e thata

Brokoli

Barishtet

Bizelet

Arrorët dhe farat

Gjalpi i kikirikut

Merrni më shumë folat

Folati është pjesë e kompleksit të vitaminave B, që luan një rol thelbësor në prodhimin e hemoglobinës. Nëse nuk merrni mjaftueshëm folat, trupi do të preket nga anemia e nxitur nga mungesa e tij dhe nivele të ulëta të hemoglobinës.

Ushqimet e pasura me folat

Mishi i viçit

Spinaqi

Orizi

Kikirikët

Fasulet

Avokado

Sallata jeshile

Maksimizoni përthithjen e hekurit

Sipas të dhënave konsumi i ushqimeve të pasura me hekur është shumë i rëndësishëm, por nëse organizmi nuk e përthith atë, atëherë gjithçka ka shkuar dëm. Ushqimet e pasura me vitaminë C siç janë agrumet, luleshtrydhet dhe barishtet përmirësojnë përthithjen e hekurit.

Përveç vitaminës C, ju mund të merrni edhe vitaminë A dhe beta karoten që maksimizojnë përthithjen e hekurit.

Ushqimet e pasura me vitaminë A

Peshku

Mëlçia e viçit

Kungulli

Patatja e ëmbël

Barishtet

Ushqimet e pasura me beta karoten

Karrotat

Patatet e ëmbla

Kungulli

Pjepri

Mango

Suplementët e hekurit

Suplementët e hekurit mund të jepen vetëm me rekomandimin e mjekut. Kjo është e nevojshme sepse sasitë e larta të hekurit mund të jenë të rrezikshme. Nëse e teproni me hekurin do të prekeni nga sëmundjet e mëlçisë, konstipacioni, të përzierat dhe të vjellat.

Suplementët mund të rrisin nivelet e hekurit në organizëm në mënyrë graduale dhe duhen marrë vetëm me rekomandimin e mjekut./Agroweb

Një cisternë me naftë u kaplua nga flakët sot në mëngjes pasi që doli nga rruga Gjevgjeli – Bogdanci, por zjarri u shua nga zjarrfikësit. Për shkak të incidentit, komunikacioni në rrugën Gjevgjeli – Bogdanci është ndërprerë, kumtoi drejtori i Drejtorisë për mbrojtje dhe shpëtim, Stojançe Angellov.

“Paradite, një cisternë e cila transportonte naftë, doli nga rruga rajonale Gjevgjeli – Bogdanci dhe u përmbys, pas çka erdhi deri te rrjedhja e naftës dhe kaplimi nga flakët. NJTZ Gjevgjeli arriti shpejtë në vendin e aksidentit dhe me shkumë të posaçme e shoi zjarrin i cili shkaktoi tym të zi të dendur dhe në këtë moment kanë kontrollin e plotë”, tha Angellov.

Ai shtoi se rrjedhja e naftës vazhdona akoma, por se rreziku për paraqitje të një zjarri tjetër është minimizuar.

Angellov paralajmëroi informata shtesë për hapat e ardhshëm për përballje me situatën.

“Djemtë e Detit” kanë lënë pas barazimin me Vllazninë dhe tashmë kanë nisur misionin “anti-Elbasani”, një duel i fortë që i pret durrsakët këtë javë. Në një intervistë për “Panorama Sport”, mesfushori polivalent i Teutës, Emiljano Vila, shprehet se skuadra durrsake ka potencial për të bërë edhe më mirë se deri tani.

Teuta ka nisur kampionatin me rezultate pozitive. Mendoni se kjo është fytyra e vërtetë e skuadrës, apo shikuesit kanë ende shumë për të parë? Besoj se jemi në një rrugë të drejtë, por ende nuk është versioni më i mirë i Teutës. Skuadra ka potencial të rritet edhe më shumë dhe me kalimin e javëve do të shihni një ekip akoma më të plotë.

Keni pasur një kalendar të vështirë në javët e para, por keni mbetur të pamposhtur. Si ka ndikuar ky moment pozitiv në psikologjinë dhe moralin e lojtarëve? Rezultatet e para të japin gjithmonë besim. Grupi është i motivuar dhe ka fituar vetëbesim, por njëkohësisht jemi të vetëdijshëm që kampionati është i gjatë dhe nuk duhet të biem në eufori.

Ju pret një transfertë e fortë në Elbasan përballë skuadrës kryesuese. Me çfarë qasje e prisni këtë sfidë? Do të jetë një ndeshje e vështirë, përballë një kundërshtari që ka treguar vazhdimësi. Por ne do të shkojmë me bindjen për të marrë maksimumin, duke u mbështetur tek organizimi dhe forca e grupit tonë.

Në skuadër janë bashkuar shumë lojtarë të rinj këtë verë. Si po përshtaten ata dhe sa shpejt kanë arritur të integrohen në grup? Adaptimi ka qenë më i shpejtë nga sa prisnim. Djemtë janë futur menjëherë në filozofinë tonë të lojës dhe grupi i ka pritur shumë mirë. Kjo është një arsye pse rezultatet kanë ardhur që në fillim.

Për fund, një pyetje personale. E ardhmja juaj në futboll. Mendoni që një ditë karrierën do ta mbyllni te Teuta, duke qenë se lidhja juaj me klubin duket shumë e fortë? Teuta për mua është shtëpia ime. Normalisht futbolli të çon në shumë rrugë, por do të ishte një krenari e madhe që karrierën time ta mbyll këtu ku gjithçka ka filluar.

ZAMIR QYPI-PANORAMASPORT.AL

---