Ledion Liço ka tërhequr vëmendjen me postimin e fundit të publikuar në profilin e tij në Instagram, ku ka ndarë disa fotografi bardhezi të shoqëruara me një citim të shkrimtares amerikane Joan Didion.
Në imazhet e publikuara, moderatori dhe producenti shfaqet në momente të ndryshme, ndërsa postimin ka zgjedhur ta shoqërojë me një reflektim mbi kujtesën, dashurinë, tradhtinë dhe mënyrën se si me kalimin e kohës harrojmë edhe gjërat që dikur mendonim se nuk do t’i harronim kurrë.
“Ne i harrojmë shumë shpejt gjërat që mendonim se nuk mund t’i harronim kurrë. Harrojmë njësoj dashuritë dhe tradhtitë, harrojmë atë që pëshpëritëm dhe atë që bërtitëm, harrojmë se kush ishim”, thuhet në citimin e Joan Didion të zgjedhur prej tij.
Liço nuk ka shtuar ndonjë shpjegim tjetër për postimin, duke e lënë mesazhin të qëndrojë vetëm përmes fotografive dhe fjalëve të autores.
Publikimi vjen në një formë më reflektuese nga ato që ai ndan zakonisht në rrjetet sociale, ndërsa vetë Ledioni nuk ka bërë të ditur nëse citimi lidhet me ndonjë moment apo ngjarje konkrete të jetës së tij.
