Ditët e nxehta të kësaj periudhe duket se kanë sjellë me vete edhe një valë të fortë virozash e gripi, nga i cili nuk ka shpëtuar as Selin Bollati.
Përmes disa postimeve në rrjetet sociale, ish-fituesja e BBVA ka treguar se po përballet prej tre ditësh me një gjendje të rënduar shëndetësore.
Për t’iu përgjigjur kureshtjes së ndjekësve se ku ka humbur, Selin zbuloi se po kalon momente të vështira me temperaturë që shkon deri në 38.5 gradë, dhimbje të forta fyti e bajamesh dhe dhimbje koke mjaft intensive.
Për të përballuar simptomat e rënda, asaj i është dashur të marrë edhe trajtim të vazhdueshëm me serume.
Edhe pse e ka përshkruar situatën me humor si “gjendje kritike”, ajo nuk i ka ndërprerë obligimet e saj profesionale.
Selin ka treguar se po mendon të punojë gjatë ditës dhe të marrë serume në mbrëmje për të qenë sërish e gatshme të nesërmen.
Si duket fituesja e BBVA po e përballon këtë periudhë me mjaft doza pozitiviteti.
Të shkuara Selin
