Facebook po teston një feed të ri të ngjashëm me TikTok

6

Meta po përgatit një nga ndryshimet më të mëdha në historinë e Facebook. Kompania ka njoftuar se do të testojë një version të ri të aplikacionit ku videot do të zënë vendin kryesor, duke zëvendësuar përkohësisht News Feed-in tradicional me një eksperiencë të ngjashme me TikTok.

Sipas drejtuesit të Facebook, Tom Alison, përdoruesit po konsumojnë gjithnjë e më shumë përmbajtje vizuale dhe video, ndaj platforma po përshtatet me këtë ndryshim. Në versionin eksperimental, aplikacioni do të hapet direkt me një video player në ekran të plotë, ndërsa përdoruesit do të kenë mundësinë të rikthehen te versioni klasik i Facebook, i cili do të mbetet i disponueshëm si një seksion i veçantë.

https://about.fb.com/wp-content/uploads/2021/09/NRP-Facebook-Reels_Recommendations.png?resize=890%2C816
Lëvizja vjen në një kohë kur videot po bëhen gjithnjë e më të rëndësishme për biznesin e Meta. Kompania deklaron se Reels, formati i saj për video të shkurtra në Facebook dhe Instagram, tashmë gjeneron të ardhura vjetore me ritëm prej rreth 50 miliardë dollarësh, duke kaluar edhe YouTube në të ardhurat nga reklamat.

Përveç fokusit te videot, Meta prezantoi edhe disa funksione të reja. Një program Verified falas do t’u lejojë përdoruesve të verifikojnë identitetin e tyre dhe të marrin një badge zyrtar, veçanërisht i dobishëm për shërbime si Marketplace apo Facebook Dating. Gjithashtu po vijnë aplikacione të reja si Seller, për shitësit aktivë në Marketplace, dhe Forum, një aplikacion i dedikuar për komunitetet e Facebook Groups.