botimet.com

Blog

  • Deklarata e Luizit në nisje të “Fan Club”: “Kiarën time janë munduar…”

    Deklarata e Luizit në nisje të “Fan Club”: “Kiarën time janë munduar…”


    Vetëm disa orë pas prime-t të parë të Big Brother VIP 5, ka startuar gjithashtu edhe Big Brother VIP Fan Club nën moderimin e Kiara Titos.

    Ky program nisi ndryshe, ku i pari që hyri në skenë ishte fituesi i Big Brother VIP 2, Luiz Ejlli, i cili prezantoi bashkëshorten e tij.

    “Zonja dhe zotërinj, çapaçula. Në shtëpinë e tretë më të famshme, se e para është Shtëpia e Bardhë, e dyta është Shtëpia e Big Brother, e treta është kjo ku jam unë, shtëpia e Fan Club BBVIP”, tha Luizi.

    Më tej, ai vazhdoi duke thënë: “Kam ardhur vetëm për një qëllim. Ju do thoni çfarë do ky këtu. Unë do prezantoj atë që do e prezantoj. Ajo është një vajzë, një grua tashmë, që nuk do të jetë kurrë vetëm sepse më ka mua në krah. Janë munduar ta lënë në hije, por hija nuk e mbulon kurrë dritën. Ajo është drita e diellit. Bashkëshortja ime, nëna e Lunës, Kiara Tito Ejlli.

    Bëra atë që do të bënte çdo burrë për nënën e fëmijës së tij. Tani mua më duhet të iki se më vjen nëna në Rinas. A të rri unë apo merresh vetë ti me këto”.

    Batutat vazhduan me Kiarën që tha: “Një pyetje kam unë. Unë jam këtu, ti je këtu, ku është Luna?”.

    Në fund nuk munguan as momentet romantike, me Luizin që i dhuroi një puthje Kiarës përpara se të largohej.



    Source link

  • Gjendet i vdekur Shemi i grupit “Ilirët”

    Gjendet i vdekur Shemi i grupit “Ilirët”


    Këngëtari i njohur Shemsi Krasniqi- Shemi i grupit “Ilirët”, është gjetur i vdekur.

    Lajmin e kanë bërë të ditur burime të Gazetës Online Reporteri.net.

    Moneytizer Paragrafi 2

    Ende nuk dihen arsyet e vdekjes.






    Source link

  • E dinit? Ja sa vjeç është Brikena Selmani, banorja e BBVA 5

    E dinit? Ja sa vjeç është Brikena Selmani, banorja e BBVA 5


    Brikena Selmani është kthyer menjëherë në një nga banoret më të komentuara të këtij fillim sezoni në “Big Brother VIP Albania 5”, qoftë për incidentin me fustanin, ashtu edhe për deklaratat e saj të mëparshme virale.

    Por sa vjeç është bukuroshja që tërhoqi vëmendjen me hyrjen e saj? Brikena është 25 vjeç.

    Modelja, e cila mban titullin “Miss Grand Kosovo”, i është bashkuar shtëpisë me synimin për të treguar më shumë për karakterin e saj, përtej pamjes fizike dhe etiketimeve nga rrjetet sociale.

    Mbetet për t’u parë se si do të përshtatet 25-vjeçarja me dinamikat e forta të shtëpisë.



    Source link

  • Kosova i përmbushë kriteret e liberalizimit të vizave


    Në raportin e parë për zbatimin e kritereve të liberalizimit të vizave, Kosova vlerësohet si shtet që vazhdon t’i përmbushë kërkesat e përcaktuara.

    Megjithatë, gjetjet e raportit të Komisionit Evropian tregojnë se gjatë vitit 2024 ka pasur një rritje të ndjeshme të numrit të aplikimeve për azil, me mbi 6.700 kërkesa të regjistruara. Raporti mbulon vitin 2024 dhe, rrjedhimisht, është i pari që vlerëson Kosovën që nga fillimi i zbatimit të regjimit të lëvizjes së lirë, më 1 janar të këtij viti.

    Në raportin e Komisionit Evropian theksohet se parandalimi i kërkesave të pabazuara për azil duhet të mbetet prioritet për të gjithë partnerët që gëzojnë regjim pa viza, e në veçanti për Kosovën, Shqipërinë, Gjeorgjinë dhe Moldavinë.

    Në kapitullin kushtuar Kosovës, raporti nënvizon se autoritetet vendore duhet të adresojnë në mënyrë më efektive fenomenin e kërkesave të pabazuara për azil. Në këtë kuadër, nga Kosova kërkohet të forcojë iniciativat në bashkëpunim me shtetet anëtare të BE-së për monitorimin dhe frenimin e numrit të këtyre kërkesave të paraqitura nga qytetarët e saj.

    Edhe pse pranohet se autoritetet kanë zhvilluar fushata të mira për ndërgjegjësimin e publikut, Komisioni Evropian kërkon që Prishtina zyrtare të vazhdojë këtë proces, me qëllim që qytetarët të informohen qartë për të drejtat dhe detyrimet që rrjedhin nga regjimi pa viza me Bashkimin Evropian.

    Po ashtu, nga Kosova kërkohet të përshtasë listën e shteteve shtetasit e të cilave kanë nevojë për vizë për në BE, por jo edhe për në Kosovë, në mënyrë që të parandalohet keqpërdorimi i regjimit dhe rreziku potencial për migracionin dhe sigurinë. Në momentin e liberalizimit, Kosova kishte marrëveshje pa viza me 19 vende, ndërsa ky numër është zvogëluar në 17.

    Një tjetër kërkesë e adresuar autoriteteve vendore lidhet me masat për parandalimin e lëshimit të dokumenteve të identitetit dhe udhëtimit me identitete të rreme, si dhe me përmirësimin e kapaciteteve për zbulimin e dokumenteve të falsifikuara. Sipas raportit të Komisionit Evropian, duhet të ruhet bashkëpunimi i vazhdueshëm me Interpolin për dokumentet e humbura dhe të vjedhura, si dhe të zbatohet plotësisht Ligji i ri dhe Udhëzimi Administrativ për Kartat e Identitetit, me qëllim rritjen e sigurisë së përgjithshme të dokumenteve./rtk



    Source link

  • Durmishi: Aktivistët e Taukbahqes dhe Sofalisë të vendosur për zhvillim dhe fitore

    Durmishi: Aktivistët e Taukbahqes dhe Sofalisë të vendosur për zhvillim dhe fitore


    Kandidati për deputet i Lëvizjes Vetëvendosje, Hysen Durmishi (numri 24), ka nisur ditën me një takim me aktivistët e lagjeve Taukbahqe dhe Sofali.

    Përmes një postimi, Durmishi theksoi përkushtimin dhe vullnetin e madh të aktivistëve të Lëvizjes Vetëvendosje, duke e cilësuar si kënaqësi të veçantë angazhimin e tyre të palëkundur drejt realizimit të qëllimeve të përbashkëta për zhvillim.

    “Është vërtet kënaqësi kur sheh vullnetin e madh që kanë aktivistët e Lëvizjes për të mos lëshuar pe drejt qëllimeve tona të përbashkëta për zhvillim”, u shpreh Durmishi.

    Ai nënvizoi se mobilizimi dhe energjia e aktivistëve në terren janë dëshmi e qartë e vendosmërisë për të vazhduar rrugën e ndryshimit dhe progresit në Kosovë.

    Source link



    Source link

  • Kurti nderon familjen Çaka në Kaçanik: Simbol i rezistencës dhe përkushtimit ndaj atdheut

    Kurti nderon familjen Çaka në Kaçanik: Simbol i rezistencës dhe përkushtimit ndaj atdheut


    Kryeministri i Kosovës, Albin Kurti, ka vizituar konakun e Tahir Çakës, kryetarit të parë të komunës së Kaçanikut pas çlirimit të Kosovës, duke nderuar kontributin dhe sakrificën e kësaj familjeje gjatë luftës.

    Në një postim të tij, Kurti ka theksuar se familja Çaka ka dhënë një kontribut të jashtëzakonshëm për lirinë e vendit, duke përmendur se dy vëllezërit e Tahir Çakës janë dëshmorë të kombit, ndërsa prindërit e tij u vranë nga forcat armike serbe gjatë luftës.

    Ai ka vlerësuar Kaçanikun si qytet të rezistencës, duke theksuar se familja Çaka mbetet një nga simbolet kryesore të përkushtimit ndaj atdheut dhe sakrificës për liri.

    Kryeministri Kurti ka nënvizuar se kujtimi dhe nderimi i familjeve që kanë dhënë gjithçka për çlirimin e Kosovës janë obligim institucional dhe moral për brezat e sotëm dhe të ardhshëm.

    Source link



    Source link

  • “I pazëvendësueshëm për Anglinë”, Uejn Runi zbulon pasuesin ideal të Herri Kejnit për shiritin e kapitenit

    “I pazëvendësueshëm për Anglinë”, Uejn Runi zbulon pasuesin ideal të Herri Kejnit për shiritin e kapitenit


    Ish-sulmuesi ikonik i Mançester Junajtid, Uejn Runi i cili ka mbajtur edhe për 3 vite rresht shiritin e kapitenit te Anglia, ka vlerësuar maksimalisht mesfushorin e Arsenalit, Deklan Rajs. Ai u shpreh se Rajs duhet të jetë pasuesi i Herri Kejnit në momentin që ky i fundit do të varë këpucët në gozhdë.

    Wayne Rooney tips 'irreplaceable' Declan Rice to be next England captain - with Arsenal midfielder ready to step in when record-shattering Harry Kane retires | Goal.com English Oman

    “Për mua, ai është personi që ndoshta po pret që Herri Kejn të varë këpucët në gozhdë në një moment. Ai ishte kudo në fushë kundër Evertonit. Vendimet e tij, kur dhe ku ta pasonte topin, me cilën këmbë, preciziteti i pasimit… ishte një kënaqësi për t’u parë. Ai është lojtari i duhur për të zëvendësuar Kejn sipas mendimit tim, për shkak të vendosmërisë dhe personalitetit të tij. Të gjithë duket se e duan, ata që e njohin, ata që janë afër tij. Ai është i pazëvendësueshëm për Anglinë”, deklaroi Runi për BBC Sport.

    PANORAMASPORT.AL






    Source link

  • Kategoria e Dytë/ Beteje katërshe në Grupin B, Oriku e mbyll i pari me humbje. Zhgënjen Partizani B

    Kategoria e Dytë/ Beteje katërshe në Grupin B, Oriku e mbyll i pari me humbje. Zhgënjen Partizani B


    Java e 11-të e Grupit B në Kategorinë e Dytë, e zhvilluar më 20–21 dhjetor, mbylli fazën e parë të kampionatit dhe vulosi verdiktet e para të rëndësishme. Oriku siguroi matematikisht vendin e parë dhe titullin honorifik “kampion dimri”, pavarësisht humbjes së parë sezonale. Butrinti u konfirmua si surpriza më e bukur e këtij gjysmësezoni, ndërsa Partizani B u ndal sërish, këtë herë nga Këlcyra e fundit në renditje.

    BUTRINTI ORIKU

    Fitore të rëndësishme shënuan edhe Tomori, Shkumbini dhe Devolli. Bylisi B ishte pushim këtë javë, por e mbyll fazën e parë me 21 pikë, në vendin e katërt, falë edhe fitores 3-0 në tavolinë ndaj Partizanit B, vendim i marrë nga Disiplina. Në mbyllje të fazës së parë, Oriku kryeson me 23 pikë dhe golavarazh impresionues 20-4, i ndjekur nga Butrinti me 22 pikë. Partizani B dhe Bylisi B ndajnë vendet 3 dhe 4 me nga 21 pikë, ndërsa në fund të renditjes vijojnë Eagle dhe Këlcyra. Faza e dytë pritet të jetë edhe më e fortë, me garë të hapur si për kreun, ashtu edhe për mbijetesën.

    TOMORI – DELVINA 1-0

    Tomori e mbylli fazën e parë me fitore minimale, por tepër të vlefshme ndaj Delvinës. Goli i Lirëzës në minutën e 56-të rezultoi vendimtar në një takim ku beratasit treguan më shumë këmbëngulje dhe dëshirë për tri pikët. Ky sukses i jep frymëmarrje Tomorit në renditje, ndërsa Delvina vazhdon të vuajë në fundin e tabelës. Takimi ka nisur me 12 minuta me vonesë. Delegati Shpëtim Halo, pasi bëri kontrollin fizik të  autoambulancës, konstatoi mungesën e oksigjenit, dhe nisur mjetin drejt Spitalit Rajonal të Beratit që ndodhet shumë pranë stadiumit për të siguruar pajisjen. Ky veprim shkaktoi irritimin e tifozërisë vendase, e cila e ka akuzuar delegatin si shkaktar të vonesës, duke lëshuar edhe ofendime në drejtim të zyrtarit të ndeshjes.

    BUTRINTI – ORIKU 2-0

    Butrinti i dha fund serisë së Orikut, duke i shkaktuar humbjen e parë sezonale kryesuesve. Kolonja në minutën e 35-të dhe Ekango në të 49-tën firmosën një fitore të madhe për vendasit. Me këto tri pikë, Butrinti e mbyll fazën e parë në vendin e dytë me 22 pikë, vetëm një pikë pas Orikut, i cili megjithatë ruan kreun dhe shpallet kampion dimri me 23 pikë.

    KËLCYRA – PARTIZANI B 2-2

    Partizani B zhgënjeu sërish, duke barazuar 2-2 ndaj Këlcyrës së vendit të fundit. Teka dhe Fofana shënuan për vendasit, ndërsa për të kuqtë realizuan Goga dhe Mando. Një ndalesë e papritur për Partizanin B, që humbi shansin për të rivalizuar seriozisht kreun dhe e mbyll fazën e parë në vendin e tretë me 21 pikë, po aq sa Bylisi B.

    EAGLE – SHKUMBINI 1-3

    Shkumbini mori një fitore të qartë në transfertë ndaj Eagle. Ageja hapi serinë e golave në minutën e 32-të, por Hyzellari barazoi për vendasit në të 43-tën. Në pjesën e dytë, peqinasit dominuan dhe shënuan edhe dy herë të tjera me Hasramën dhe Doukagan në minutën e 90-të, duke siguruar një triumf të rëndësishëm 3-1.

    DEVOLLI – MALIQI 2-1

    Devolli fitoi derbin ndaj Maliqit me shifrat 2-1. Çuko shënoi herët në minutën e 8-të, Kapllani dyfishoi në të 48-tën, ndërsa Ibrahim ngushtoi shifrat për miqtë në minutën e 60-të. Një fitore që i jep moral Devollit për vazhdimësinë e sezonit, ndërsa Maliqi mbetet në mesin e tabelës.

     

    Kategoria e Dytë

    Grupi B

     Java 11, 20-21 dhjetor

    Të shtunën

    Tomori – Delvina 1-0

    Lirëza 56’

    Dje

    Butrinti – Oriku 2-0

    Kolonja 35’, Ekango 49’

    Këlcyra – Partizani B 2-2

    Teka 27’, Fofana 78’ / Goga 64’, Mando 66’

    Eagle – Shkumbini 1-3

    Hyzellari 43’ / Ageja 32’, Hasrama 53’, Doukaga 90’

    Devolli – Maliq 2-1

    Çuko 8’, Kapllani 48’ / Ibrahim 60’

    Bylis B – Pushim

     

     

    RENDITJA

     

                      TOTALI            

    Nr EKIPI        N    P    F    B    H    G+/G-

    1 Oriku         10   23   7    3    0    20-4

    2 Butrinti      10   22   7    1    2    16-7

    3 Partizani B   10   21   6    3    1    30-8

    4 Bylis B       10   21   6    3    1    17-12

    5 Maliqi        10   13   4    1    5    14-13

    6 Devolli       10   12   4    0    6    12-21

    7 Shkumbini     10   11   3    2    5    14-18

    8 Tomori        10   11   3    2    5    12-16

    9 Delvina       10   9    3    0    7    11-20

    10 Eagle       10   8    2    2    6    5-22

    11 Këlcyra      10   5    1    2    7    9-25

    *Bylis B – Partizani B 0-3, rezultat në tavolinë nga Disiplina

     

    Java 12, 1 shkurt 2026

    Devolli – Delvina

    Tomori – Shkumbini

    Eagle – Partizani B

    Këlcyra – Oriku

    Butrinti – Bylis B

    Maliqi – Pushim

     

    E.Spahiu/ A.Dushku/ F.Lamaj/ R.Suli- PANORAMASPORT.AL






    Source link

  • VIDEO/ Transferimi më i shtrenjtë në historinë e Premier Ligës, sulmuesi pëson dëmtimin fatal dhe thyen këmbën

    VIDEO/ Transferimi më i shtrenjtë në historinë e Premier Ligës, sulmuesi pëson dëmtimin fatal dhe thyen këmbën


    Dëmtimi i Aleksandër Isak ka shkaktuar një emergjencë në sulmin e Liverpulit.

    6e4cff60-de82-11f0-b6eb-fb9209f47010

    Ai hyri në fushë pas pushimit të pjesës së parë dhe luajti për një çerek ore përpara se të zhbllokonte sfidën dhe të dëmtohej pas një ndërhyrjeje të fortë nga Van de Ven.

    Përshtypjet e para nga Liverpuli nuk janë të mira, sipas asaj që ka dalë në orët e fundit. Dhe informacioni i fundit i raportuar nga Sky Sports UK është shqetësues pasi testet e kryera sot zbuluan se sulmuesit suedez i është thyer këmba. Kjo është një goditje e madhe për Isakun, i cili u bë transferimi më i shtrenjtë në historinë e Premier Ligës kur nënshkroi për të kuqtë.

    PANORAMASPORT.AL






    Source link

  • Besim Kelmendi paraqet kërkesë për lirim nga pozita e u.d. së kryeprokurorit të shtetit


    Besim Kelmendi ka paraqitur kërkesë përmes së cilës ka kërkuar që të lirohet nga pozita e ushtruesit të detyrës së Kryeprokurorit të Shtetit.

    Kjo kërkesë e Kelmendit, të cilën e ka siguruar “Betimi për Drejtësi“, vjen pas aktgjykimit të Gjykatës Supreme, me të cilin është anuluar vendimi i Këshillit Prokurorial, me të cilin ishe shkarkuar nga kjo pozitë. Ndërsa, me aktvendimin e Gjykatës së Apelit është konfirmuar vendimi i Themelores, e cila ka theksuar se çështja është e gjykuar, raporton “Betimi për Drejtësi“.

    “Siç jeni në dijeni më Aktgjykimin e Gjykatës Supreme të Kosovës A.A.nr.124/2025 të datës 16.12.2025 është anuluar Vendimi i Këshillit Prokurorial të Kosovës KPK.nr.1056/20 i datës 20.11.2025, ndërsa më Aktvendimin e Gjykatës së Apelit A.nr.1210/25 i datës 19.12.2025, është konfirmuar së cështja e ngritur sipas padisë në Gjykatën Themelore të Prishtinës është cështje e gjykuar sipas Aktgjykimit të më sipërm të Gjykatës Supreme. Bazuar në vendimet e sipërcekura gjyqësore dhe në situatën e krijuar në Këshillin Prokurorial pas nxjerrjes së vendimit të anuluar nga Gjykata Supreme, përmes këtij emailit zyrtar ua përcjellë Kërkesën time për të më liruar nga Pozita e Ushtruesit të Detyrës së Kryeprokuroit të Shtetit, të cilën detyrë e kam ushtruar nga data 22 prill 2022”, thuhet në kërkesë.

    Kelmendi ka theksuar se nuk ka aplikuar për pozitën e Kryeprokurorit të Shtetit dhe se ishte kërkesë e anëtarëve të Këshillit ta pranonte pozitën e U.D.

    “Përmes kësaj kërkese ua rikujtoj edhe një here, juve dhe të gjithë qytetarëve, së unë nuk kam aplikuar fare për pozitën e Kryeprokurorit të Shtetit dhe së në asnjë rast nuk kam shpreh interesim për të marr as pozitën e Ushtruesit të Detyrës së Kryeprokurorit të Shtetit, përkundrazi ishte kërkesë e anëtarëve të Këshillit që unë ta pranoja ketë detyrë deri në zgjedhjen e Kryeprokurorit të Shtetit dhe si rezultat i këtyre kërkesave, më datë 22 prill 2022, në mënyrë unanime nga të gjithë anëtarët e pranishëm të Këshillit, jam caktuar si Ushtrues i Detyrës ë Kryeprokuroit të Shtetit”, thuhet më tej.

    Ndërsa, ai theksoi se pas gjithë situatës së krijuar në KPK dhe pasi konsideron që me vendimin e Supremes është arritur vendosja e ligjshmërisë dhe respektimit të standardeve ligjore, kërkon të lirohet nga detyra.

    “Andaj pas analizimit të te gjitha rrethanave dhe situatës së krijuar në Këshillin Prokurorial, dhe në veçanti pas nxjerrjes dhe shpalljes së aktgjykimit të Gjykatës Supreme të Kosovës A.A.nr.124/2025 të datës 16.12.2025, konsideroj së është arritur vendosja e ligjshmërisë dhe respektimi i standardeve ligjore të parashikuara në Kushtetutën e Republikës së Kosovës dhe ligjet në fuqi. Kjo arritje nuk është vetëm e imja por e të gjithë individëve, shoqërisë civile dhe partnerëve ndërkombëtar, të cilët kanë kërkuar respektimin e ligjshmërisë. Kërkesa ime për të më liruar nga pozita e Ushtruesit të detyrës së Kryeprokurorit të Shtetit është një reflektim i vullnetit tim për të mbështetur reformën në Sistemin Prokurorial dhe për të kontribuar në përmirësimin e gjendjes së krijuar në Këshill, andaj shpresoj dhe besoj së të gjithë ju anëtarët e Këshillit do të gjeni forcën dhe vullnetin, jo vetëm për të aprovuar kërkesën time por edhe për të krijuar kushte normale për funksionimin e Sistemit Prokurorial”, thuhet më tutje.

    Kelmendi zotohet se do të punojë me përkushtim për të mirën e sistemit prokurorial.

    “Dhe krejt në fund, unë, si prokuror në Zyrën e Kryeprokurorit të Shtetit, do të punoj më përkushtimin tim më të madh për të mirën e Sistemit Prokurorial, i pavarur, i pa anshëm dhe me profesionalizëm, ashtu siç më ka vlerësuar Këshilli Prokurorial kur më ka propozuar për të marr çmimin më të rëndësishëm të karrierës time – çmimin më emrin e heroit tonë kombëtar “Sali Çekaj”, si dhe në ditën kur ky Këshill Prokurorial më ka caktuar si Ushtrues i Detyrës së Kryeprokurorit të Shtetit”, thuhet në kërkesën e Kelmendit.



    Source link