Blog

Kryeministri Albin Kurti, ka deklaruar se Kosova qëndron me Ukrainën në përvjetorin e tretë të nisjes së agresionit rus, duke thënë se “e kuptojmë thellë dhimbjen dhe qëndrueshmërinë e popullit ukrainas”.

Ai përmes një postimi në rrjetin social X tha se solidariteti i Kosovës për Ukrainën s’është vetëm me fjalë, teksa ka përmendur pritjen e gazetarëve ukrainas, dërgimin e pajisjeve ushtarake dhe kontributin në trajnimin e ushtarëve ukrainas.

Kurti tha se agresioni rus, që kishte nisur më 24 shkurt të 2022-s, është ngjarje “që ka shkaktuar vuajtje të pamasë ndaj atyre që mbrojnë me guxim vendin e tyre”.

“Në Kosovë, një vend që ka duruar gjenocid, ne e kuptojmë thellë dhimbjen dhe qëndrueshmërinë e popullit ukrainas. Solidariteti ynë nuk është vetëm me fjalë, por edhe me veprime – të presim gazetarë ukrainas në vendin tonë, të dërgojmë pajisje ushtarake dhe së bashku me aleatët tanë si Britania e Madhe, të kontribuojmë në trajnimin e ushtarëve ukrainas. Ne qëndrojmë me Ukrainën në luftën e saj për liri dhe demokraci”, ka thënë Kurti.

Një ngjarje e rëndë ka tronditur fshatin Vilëz, pranë qytetit të Laçit, ku pasditen e së hënës u regjistruan të shtëna me armë, duke shkaktuar vdekjen e 67-vjeçarit Dodë Mamli.

Sipas informacioneve paraprake, dyshohet se ngjarja ka ndodhur si pasojë e një konflikti për çështje pronësie, megjithëse hetimet janë ende në fazat e para. Autoritetet po shqyrtojnë të gjitha pistat e mundshme për të zbuluar shkaqet dhe autorët e këtij krimi.

Menjëherë pas njoftimit për ngjarjen, në vendngjarje kanë mbërritur forcat e rendit dhe katër grupe të Forcave Kombëtare të Sigurisë nga Njësia Shkodër. Policia dhe grupi hetimor po mbledhin prova dhe dëshmi për të zbardhur dinamikën e sulmit.

Ngjarja bëhet edhe më e ndërlikuar duke pasur parasysh të kaluarën kriminale të familjes Mamli. Djali i viktimës, Emrik Mamli, ka qenë autor i një tjetër ngjarjeje të rëndë në vitin 2015 në qendër të Mamurrasit, ku ka vrarë Naim Tafën dhe ka plagosur tre persona të tjerë. Sipas hetimeve të kohës, shkaku i asaj ngjarjeje ishte një konflikt i mbartur nga Italia, ku viktima i detyrohej autorit një shumë prej 250 mijë eurosh.

Banorët e zonës kanë shprehur shqetësimin për situatën dhe dyshojnë se konflikti mund të jetë i përsëritur nga probleme të mëparshme mbi pronësinë. Autoritetet po analizojnë mundësinë e ndërlidhjes së kësaj ngjarjeje me episode të mëhershme të dhunës në zonë.

Hetimet vijojnë intensivisht për të identifikuar autorët dhe për të vënë përpara drejtësisë përgjegjësit e kësaj vrasjeje.

Kreu i PD-së, Sali Berisha thotë se dënon kërcënimin personal që Erion Veliaj ka bërë ndaj prokurorit Olsi Dado, duke theksuar se mesazhi që kryetari i bashkisë jep është kërcënim për dëshmitarët.

Në konferencën me gazetarët, Berisha u shpreh se ‘Veliaj i ka shanset ka zero që ta agresojë fizikisht prokurorin, por kërcënimi personal është për dëshmitarët që po folët do ta keni personale me mua’.

Sipas Sali Berishës ky është një akt i rëndë i pengimit të drejtësisë, ndaj theksoi se PD po shqyrton modalitetet për ta paditur atë.

“Ndaj i them Veliajt se me asgjë nuk mund të shpëtosh nga krimet dhe mos guxo të kërcënosh dëshmitarët se do përgjigjesh shumë rëndë”, tha Berisha.

Berisha: Së fundi dënoj me forcën më të madhe aktin kriminal të dënueshëm të Erion vjedhësit, Erion hajdutit kërcënimin me personale të Olsi Dados. Unë e kam pak ndryshe problemin këtu. Unë jam kundër çdo kërcënimi personal, nuk mund të ketë kërcënime personale, sepse pastaj është vetëgjyqësi. Po mesazhi që jep ky hajdut, është mesazhi i kërcënimit me jetë të dëshmitarëve. Kërcënimi i tij për Olsi Dadon është një kërcënim që për shkak të mbrojtjes që kanë këta prokurorë, ai shanset i ka zero që ta agresojë fizikisht, por kërcënimi personal është për dëshmitarët që po folët do ta keni personale me mua. Nuk ka akt më të mirëfilltë të pengimit të drejtësisë se ky. PD po shqyrton modalitetet për ta padisë për aktin e pengimit të drejtësisë dhe kërcënimit të dëshmitarëve. Kodi i këtij mesazhi është kërcënimi i dëshmitarëve, të cilët kanë merita. Cdo njeri që pranon të zbardhë një krim ka merita. Ndaj i them Veliajt se me asgjë nuk mund të shpëtosh nga krimet dhe mos guxo të kërcënosh dëshmitarët se do përgjigjesh shumë rëndë. Po të jetë puna për ata skapistë, ata të kursyen ty djegësin 130 mln euro që nuk ekziston, 5D që vetëm hoteli i qelqtë kushton mbi 75 mln euro.

Përfaqësuesja e Kosovës në futboll, gjatë muajit mars do të zhvillojë dy ndeshje ndaj Islandës, të vlefshme për play-offin e Ligës së Kombeve.

Federata e Futbollit të Kosovës, ka njoftuar se tashmë kanë dal në shitje biletat për ndeshjen si nikoqire, e cila zhvillohet me 20 mars, në stadiumin ”Fadil Vokrri në Prishtinë, më fillim nga ora 20:45, 

Ato mund t’i blini përmes platformës online në linkun e mëposhtëm:https://eu.ebileta.al/biglietteria/listaEventiPub.do
Çmimet e biletave janë si në vijim: Veri dhe Jug 5 euro, Lindje 10 euro, Perëndim 20 euro dhe VIP 80 euro.

VINI RE!Procedura se si blihet bileta online:Fillimisht ju duhet të regjistroheni në platformë.Mandej zgjidhni tribunën e stadiumit dhe më pas e selektoni ulësen e preferuar.Pasi t’i zgjedhni biletat, vazhdoni me pagesën online.Pasi të përfundon blerja online, ju duhet të pritni deri të gjenerohet bileta si dhe fatura juaj.Biletën do ta pranoni gjithashtu në email (kontrolloni edhe folderin SPAM gjithashtu).Bileta patjetër duhet të jetë e printuar në formatin A4, printimi duhet të jetë i kualitetit të lartë.Biletat janë të personalizuara (Në stadium mund të hyjë vetëm një person me një biletë pa marrë parasysh moshën).
Shënim: Personat që rastësisht pas blerjes së biletës nuk e marrin atë nëpërmjet emailit, atëherë atë mund ta gjejnë përmes kodit në linkun e mëposhtëm:
https://eu.ebileta.al/biglietteria/trans/restore

TikTok, përfshirë filialin e saj Kinez Douyin, në 2024 u bë aplikacioni i parë jo-lojë që gjeneroi 6 miliardë dollarë shitje në vit. Sipas një raporti të ri nga firma e inteligjencës së aplikacioneve Sensor Tower, TikTok gjithashtu gjeneroi të ardhura rekord prej 1.9 miliardë dollarë në tre mujorin e katërt të vitit të kaluar.

Mes aplikacioneve jo-lojëra, vetëm YouTube dhe Google One gjeneruan më shumë në tre mujorin e katërt të 2024 thoshte raporti. Me 6 miliardë dollarë të ardhura, TikTok gjeneroi më shumë se dyfishin e çdo aplikacioni apo loje tjetër në 2024.

Monopoly GO ishte në vendin e dytë me 2.6 miliardë dollarë shitje të gjeneruara në vitin e kaluar.

Për TikTok ishe një rritje e madhe krahasuar me 2023 ku gjeneroi 4.4 miliardë dollarë shitje. Për nga shkarkimet TikTok ishte vetëm në vendin e dytë në tre mujorin e katërt ndërsa vendi i parë zihej nga Instagram. Në vendin e tretë ishte WhatsApp ndjekur nga Facebook dhe Temu në 5 vendet e para.

/PCWorld Albanian

Mes pasigurive që janë krijuar rreth të ardhmes së Trent Alexander-Arnold tek Liverpooli, një raportim nga mediumi brazilian UOL Esporte raporton se ‘Të Kuqtë’ po synojnë ta përforcojnë mbrojtjen me një talent të ri brazilian. 

Sipas gazetarit Bruno Andrade, vëmendja e Liverpoolit është kthyer tek mbrojtësi premtues i Flamengos, Wesley, teksa po përgatiten që të bëjnë një ofertë për lojtarin. 

Si kapiten i Liverpoolit, Alexander-Arnold mbetet një figurë e rëndësishme në ‘Anfield’, por negociatat për rinovimin e kontratës së tij kanë mbetur pezull  dhe ajo skadon në muajt e ardhshëm. 

Liverpooli po shpreson për një rinovim, por ata po eksplorojnë alternativa të tjera në rast largimi të anglezit. 

Në këtë mënyrë Wesley ka kapur vëmendjen e drejtuesve të klubit dhe mundësia që ai të transferohet në Angli para fillimit të Kupës së Botës për Klube është e madhe. 

Vlera që Flamengo mund t’i vë kartonit të Wesley mund të tejkalojë 30 milionë euro, veçanërisht nëse ai debuton me kombëtaren e Brazilit së shpejti. 

Së fundmi Wesley refuzoi një ofertë të majme nga Zenit duke i qëndruar besnik Flamengos. 

Përkundër lidhjeve me talentë nga Evropa si Jeremie Frimpong, Wesley përfaqëson një lojtar i cili i përshtatet më shumë preferencave taktike të Arne Slot. 

Atributet e tij përputhen më mirë me etikën e punës që Slot ka dhe për karakteristikat që ai i pëlqen t’i kenë mbrojtësit e tij.