Ish-banori trazon rrjetin, publikon foto të Ledion Liços krah Monika Lubonjës dhe Eli Farës
Rogert Sterkaj ka tërhequr sërish vëmendjen në rrjetet sociale, këtë herë me një publikim ku shfaqen Ledion Liço, Monika Lubonja dhe Eli Fara.
Postimi vjen në një moment kur emrat e Lubonjës dhe Farës janë përfshirë në diskutimet e ditëve të fundit, pas shpërndarjes së videove private të lidhura me kompozitorin Adrian Hila.
Megjithatë, ajo që bie në sy në publikimin e Rogertit është përfshirja e moderatorit Ledion Liço në të njëjtën fotografi me dy artistet.
Sterkaj nuk është përmbajtur as më herët në deklaratat e tij ndaj Ledionit, të cilin e ka kritikuar publikisht në rrjetet sociale. Për këtë arsye, vendosja e tij në këtë postim ka ngritur pikëpyetje mbi mesazhin që ish-banori i “Big Brother VIP Albania” kërkon të përcjellë.
Në përshkrimin që shoqëron fotografinë, Rogerti ka kritikuar ashpër qëndrimet e personazheve të përfshirë, duke i akuzuar se po përpiqen të normalizojnë pabesinë bashkëshortore në emër të lirisë dhe emancipimit.
“Të tre kanë një gjë të përbashkët: në emër të lirisë dhe emancipimit, po relativizojnë pabesinë bashkëshortore dhe po e paraqesin gruan shqiptare si një figurë të dobët, pa dinjitet e pa parime!”, shkruan ai.
Më tej, ish-banori i “Big Brother VIP Albania” i është drejtuar drejtpërdrejt Eli Farës, duke kundërshtuar një pjesë të mesazhit të saj publik pas shpërndarjes së videove intime.
“Eli Fara, jo të gjithë shqiptarët e kanë tabu seksin! Por shumë prej nesh e kanë TABU tradhtinë, lidhjet me persona të martuar dhe normalizimin e pabesisë!”, shprehet Sterkaj.
Ai ka theksuar se, sipas tij, liria seksuale nuk duhet të ngatërrohet me tradhtinë bashkëshortore, ndërsa ka pasur një mesazh edhe për Monika Lubonjën.
“Dhe nëse ti e Monika e mbroni publikisht këtë mentalitet, mos prisni që të gjithë t’ju duartrokasin!”, vijon ai.
Në përfundim, Rogerti e ka përmbledhur qëndrimin e tij me fjalët: “EMANCIPIMI NUK ËSHTË JUSTIFIKIM PËR PABESINË!”, duke i cilësuar të turpshme mesazhet që, sipas tij, po përcillen nga personazhe të botës së artit dhe televizionit.
