Ledion Liço dhe citimi që po komentohet: Harrojmë gjithçka që dikur na dukej e paharrueshme – Lajme Big Brother Vip

Moderatori dhe producenti i njohur, Ledion Liço, ka ndezur kureshtjen e publikut përmes një publikimi në llogarinë e tij në Instagram, ku ka ndarë një seri fotografish në formatin bardhezi.

Këto pamje, që e shfaqin atë në situata të ndryshme, janë shoqëruar me një citim nga autorja amerikane Joan Didion. “Ne i harrojmë shumë shpejt gjërat që mendonim se nuk mund t’i harronim kurrë.

Harrojmë njësoj dashuritë dhe tradhtitë, harrojmë atë që pëshpëritëm dhe atë që bërtitëm, harrojmë se kush ishim”, citohet në shkrimin e zgjedhur nga Liço.

Përtej këtyre vargjeve, ai ka preferuar të mos japë asnjë sqarim shtesë, duke ia lënë interpretimin ndjekësve përmes imazheve dhe mesazhit të autores.

Ky publikim është dukshëm më introspektiv krahasuar me postimet e tij të zakonshme, ndonëse vetë Liço nuk ka sqaruar nëse këto fjalë pasqyrojnë ndonjë situatë apo ndodhi specifike në jetën e tij private.