Sara Gjordeni: Jeta me një këngëtar gjatë verës nuk është aspak e lehtë – Lajme Big Brother Vip

Për këngëtarët, muajt e nxehtë të verës nënkuptojnë një fluks të madh pune, mirëpo për bashkëshortet e tyre situata duket disi ndryshe. Me një dozë humori, Sara Gjordeni ka shprehur pakënaqësinë e saj lidhur me faktin se axhenda e mbushur me koncerte e Bardhit ka ndikuar negativisht në pushimet e tyre verore.

Ish-banorja e “Big Brother VIP Albania” ka ndarë me ndjekësit në platformat sociale zhgënjimin e saj, duke vënë në dukje se ndërkohë që pjesa tjetër e familjeve shijojnë bregdetin, ajo duhet të bëjë durim deri në shtator kur të përfundojnë angazhimet artistike të partnerit.

“Ore, s’është fare qejf ta kesh burrin këngëtar, sidomos në verë. Kur të gjithë ikin në plazh familjarisht, ti rri, pret me durim dhe mall të mbarojë koncertet deri në shtator. Katastrofë. Martohuni me financier ose dikë që punon në bankë, nëse ju pëlqen deti”.

Publiku ka reaguar menjëherë ndaj këtij postimi, duke e pritur me të qeshura sugjerimin e saj që vajzat të zgjedhin partnerë që punojnë në zyra bankare ose financa, nëse dëshirojnë të kalojnë pushime verore të qeta.

Përveç vajzës së tyre, Sara dhe Bardhi po përgatiten aktualisht për të mirëpritur në jetë fëmijën e tyre të dytë.