“Më kanë ngrënë shpirtin gjithë jetën. Duan që të më marrin edhe atë pronë që kam. Jo nënë me qenë, por perëndia me qenë, unë atë pronë do e marr”, kështu është shprehur në spotin prezantues të rubrikës “Shihemi në Gjyq”, Harbeni.
Në këtë 8 Mars, e cila është dita e gruas dhe nënës, Harbeni ka sjellë nënë e tij Nazmijen, edhe pse dashuria që ndjen për të mund të jetë e pafundme, gjuha e përdoru kundrejt saj është tejet e ashpër.
Ai shprehet se nuk i thërret më “nënë”, pasi shprehet se i ka shitur pronën.
Harbeni: Unë e kam sjellë këtë këtu, sepse nuk e meriton që të quhet nënë. Nga 2023, unë i kam zbuluar të gjitha gjërat që i ka bërë prapakrahëve.
Eni Çobani: Është e rëndë kjo që sapo the!
Nazmija: Jam nënë për t’u sjellë këtu unë?! Nuk jam nënë për t’u sjellë këtu!
Harbeni: Ik ulu atje. Kjo më ka shitur pronën. Në vitin 1992 mua më është dhënë 300 metra tokë…
Eni Çobani: Mirë nënën nuk e shikon fare në sy?!
Nazmija: Nuk të njoh fare. Nuk të jap pronë. Ik, nuk të njoh fare. Çfarë djali je ti?! Ti nuk ke turp. Ik, ik!
Harbeni: Mos më prek me dorë.
Nazmija: Ik, mu zhduk.
/tvklan.al
