“Miri më kërcënoi do të të zhduk”, shpërthen me fjalor banal Ilir Vrenozi

April 22, 2026 • boadmin

Polemikat pas përfundimit të “Big Brother” vijojnë të jenë në qendër të vëmendjes, ndërsa situata mes ish-banorëve duket se është përshkallëzuar edhe më tej. Pas deklaratave të forta të bëra për “Top News”, Ilir Vrenozi ka reaguar sërish, këtë herë përmes një videoje në TikTok, ku ka përdorur një gjuhë të ashpër dhe fjalor banal.

Në videon e shpërndarë, Vrenozi shfaqet i revoltuar, duke vijuar akuzat ndaj Mirit dhe duke e çuar konfliktin në një tjetër nivel. “Më tha ‘do të zhduk’… në sy të të gjithëve”, ishte një nga deklaratat që ai kishte bërë më herët, duke përshkruar përplasjen mes tyre pas finales.

Ndërsa në reagimin e fundit në TikTok, ai ka shpërthyer sërish me tone të forta, duke mos kursyer ofendimet.

Konflikti mes ish-banorëve, që nisi si një debat pas finales, tashmë ka marrë përmasa personale dhe po zhvillohet hapur në publik. Deri më tani, nuk ka pasur një reagim nga Miri lidhur me videon e fundit, ndërsa situata mbetet e tensionuar.

“Unë po largohem nga Tirana, se kam frikë mos më zhduk Miri. Unë kam muaj te Topi dhe nuk më është dëgjuar zëri asnjëherë. Miri pas finales ma bëri me gisht dhe më tundi dorën. Unë aq u bëra me nerva, sa isha gati t’i kafshkoja gishtin. Gjithsesi, thashë ta lë se është i nxehtë. Më tha se do flasim, dhe i thashë eja flasim tani. Seç më tha nuk e mora vesh tamam dhe pastaj ikëm.

Më pas bëmë atë koktejin. Duke kënduar, më pa mua dhe më tha: “S’ta kemi fajin ne se dole vetë nga Big Brother”. Dakord, çdo njeri kur humb e ka atë inatin. Por ai e zgjati tri ditë dhe mu “hodh” mua sapo hyj në post “Big Brother”. Hyra unë dhe nisi të kërkonte llogari përse përkraha Selinën. Më tha se unë kam thënë se Stine dhe Miri janë kundërshtarët e mi, sepse më dukeshin lojtarë të mirë.Më tha se më ka mbështetut në shtëpi dhe unë duhej që të mbaja anën e tij. E mora mënjanë dhe i tregova arsyet përse mendoja se fitonte Selin. Në fakt ai e bëri fitues Selinën me krevatin e të tjera. Ai vazhdoi qëndrimin e tij dhe unë shpërtheva me ato fjalët e mia.

Me tha: “Do të zhduk, do të zhduk”. Në sy të Arbrit dhe Monikës, ndërhynë dhe badiguardët dhe na ndanë. Rogertin, Selinën dhe Mateon, Miri i çoi në finale. Ai duhet të shohë gabimet te vetja e tij. Të treve ai i dha ushqim, u bë ushtar i Rogertit.

I thashë se nëse donte të fitonte Bigun, duhet të sulmonte Rogertin, jo të bëhej ushtar i tij. Rogerti erdhi më takoi, edhe pse unë çfarë nuk kam thënë për të. Më tha se i kam lënë të gjitha pas, tamam burrë. Fjalët e Ilirit tregojnë urrejtje të madhe. Unë gjithmonë fal, por më ra në qafë”, deklarata e bërë më herët nga Ilir Vrenozi në Top News.