Një moment i papritur dhe mjaft i komentuar ka ndodhur gjatë spektaklit, ku gazetari Bledi Mane i drejtoi një pyetje mjaft provokuese Brikenës.
Ai e pyeti drejtpërdrejt nëse lidhja e saj me Mateon do të vazhdonte edhe në rast se ai nuk do të fitonte “Big Brother VIP Albania”. Një pyetje që nga shumë u konsiderua si e pavend dhe jo e denjë për situatën.
Por reagimi i Brikenës ishte i menjëhershëm dhe shumë i qartë. Ajo u shpreh se lidhja e tyre nuk ka asnjë lidhje me çmimin apo fitoren në lojë, duke theksuar se ndjenjat nuk maten me para apo me trofe.
“S’ka lidhje fare nëse fiton apo jo, lidhja jonë nuk varet nga kjo,” – ishte mesazhi i saj, duke i vendosur kufijtë pyetjes së bërë.
Ky moment ka marrë menjëherë vëmendje në rrjet, ku shumë ndjekës e kanë mbështetur Brikenën për përgjigjen e saj, ndërsa të tjerë kanë kritikuar pyetjen e Bledi Manes si ofenduese.
Ndërkohë, nuk kanë munguar as komentet që theksojnë se çifti është në një moment shumë të mirë edhe jashtë lojës, duke qenë aktivë dhe të suksesshëm në reklama dhe projekte të ndryshme
