“Si në… – Lajme Big Brother Vip – Lajmi i Fundit, Lajmet e Fundit

Një deklaratë e Akilit brenda shtëpisë së “Big Brother VIP Kosova 5” ka ngritur pikëpyetje për mënyrën se si produksioni po ndërhyn në marrëdhëniet mes konkurrentëve, vetëm pak ditë pas nisjes së spektaklit.

Gjatë një bisede me banorët e tjerë, Akili ka treguar se pas një diskutimi me reperin Nichi, ky i fundit ishte drejtuar në Dhomën e Rrëfimit për t’u ankuar për sjelljen e tij.

Sipas versionit të Akilit, pas ankesës së Nichit, produksioni kishte vendosur ta thërriste edhe atë në Dhomën e Rrëfimit, ku i ishte kërkuar të mos e ngacmonte më konkurrentin.

Kjo kërkesë duket se nuk është pritur mirë nga Akili, i cili ka shprehur pakënaqësinë për mënyrën se si ishte trajtuar situata.

“Po më duket vetja si në shkollë fillore”, është shprehur ai gjatë bisedës, duke ironizuar faktin që një mosmarrëveshje mes dy banorëve kishte përfunduar me ankesa te produksioni.

Akili ka zgjedhur ta ndajë këtë episod me konkurrentët e tjerë, duke bërë publike një pjesë të komunikimit që pretendon se ka pasur në Dhomën e Rrëfimit.

Deklarata e tij ka tërhequr vëmendjen edhe për faktin se bisedat mes banorëve dhe produksionit në këtë ambient zakonisht nuk transmetohen të plota për publikun.