“S’ka kontakt me familjen prej dy ditësh” (FOTO) – Lajme Big Brother Vip – Lajmi i Fundit, Lajmet e Fundit

Aktori i njohur Bes Kallaku ka shpërndarë në rrjetet sociale një apel për gjetjen e një 16-vjeçari nga Pogradeci, i cili raportohet se ka humbur kontaktet me familjen prej dy ditësh.

Përmes një postimi në Instagram, Kallaku ka ripublikuar njoftimin e faqes “Pogradec Every Day”, ku kërkohet ndihma e qytetarëve për të siguruar informacione mbi vendndodhjen e të miturit.

Sipas njoftimit të shpërndarë, bëhet fjalë për Brajan Aliun, 16 vjeç, nga Pogradeci, për të cilin familjarët nuk kanë pasur informacion gjatë dy ditëve të fundit.

“Apel urgjent nga Pogradeci. Brajan Aliu, 16 vjeç, nga Pogradeci, ka humbur kontaktet me familjen prej dy ditësh”, thuhet në materialin e publikuar.

Duke e ndarë këtë njoftim me ndjekësit e tij, Bes Kallaku i është bashkuar përpjekjes për t’i dhënë sa më shumë shikueshmëri apelit.