U deshën 9 orë që të vije në jetë

18

Beyoncé feston sot 45-vjetorin e lindjes.

Këngëtarja amerikane, një prej emrave më të njohur të muzikës botërore, ka lindur më 4 shtator 1981, ndërsa në këtë ditë të veçantë nëna e saj, Tina Knowles, ka zgjedhur të rikthehet pas në kohë.

Tina Knowles publikoi në rrjetet sociale një fotografi të rrallë nga materniteti, të realizuar menjëherë pas lindjes së Beyoncé.

Në foto, ajo shfaqet duke mbajtur në krahë vajzën e saj të sapolindur dhe kujton momentin e parë kur nënë e bijë panë njëra-tjetrën.

Në dedikimin e saj, Knowles kujtoi se lindja kishte zgjatur nëntë orë dhe se në fotografi ishte e lodhur, por njëkohësisht shumë e lumtur.

“E kujtoj këtë ditë 45 vjet më parë. U deshën nëntë orë që të vije në jetë. Ndërsa unë, në këtë fotografi, jam e rraskapitur, por në të njëjtën kohë më e lumtur se kurrë më parë”, shkroi ajo.

Ajo kujtoi edhe kontaktin e parë me të bijën dhe lidhjen që u krijua që në atë moment.

“Lidhja është kaq e fortë, kaq e bukur dhe kaq e fuqishme. Ajo nuk është thyer kurrë dhe nuk do të thyhet kurrë”, shkroi Tina Knowles.

Më tej, ajo foli për vajzën që Beyoncé është bërë gjatë viteve dhe për cilësitë që vlerëson më shumë tek ajo. Sipas saj, mbi të gjitha qëndron “zemra e madhe” e këngëtares.

“Ti je një njeri i jashtëzakonshëm”, shkroi Knowles, duke përmendur gjithashtu punën, krijimtarinë dhe mbështetjen që Beyoncé u jep të tjerëve.

45-vjetori i Beyoncé përkon edhe me 20-vjetorin e albumit të saj “B’Day”, i cili u publikua më 4 shtator 2006 dhe këtë vit është rikthyer me një edicion të zgjeruar.