Moderatorja e njohur konkurrentja e ardhshme e Big Brother VIP 6? Gazetari hedh dyshimet – Lajme Big Brother Vip

Sërish në vëmendjen e publikut, Megi Pojani po lakohet për një angazhim të mundshëm në një prej programeve më të ndjekura televizive, “Big Brother VIP Albania”.

Nëpërmjet një postimi në rrjetet sociale, gazetari Elton Tozaj ka ndarë një fotografi të moderatores, duke ngritur dyshimet se ajo mund të jetë pjesë e listës së konkurrentëve për sezonin në vijim të këtij formati.

“Iku nga Përputhen por shkon në Big Brother! Megi Pojani banore në BBVA”, thuhet në statusin e publikuar nga Tozaj.

Konfirmimi i këtij lajmi do të nënkuptonte një kthim të Pojanit në Top Channel, por këtë herë në një dimension krejt tjetër nga ai i prezantueses.

Karriera e Megit është lidhur prej vitesh me këtë ekran. Pasi mori pjesë në “Dancing With the Stars” dhe udhëhoqi “Big Brother VIP Fan Club”, në vitin 2023 ajo mori përsipër prezantimin e “Për’puthen”. Asokohe, vetë moderatorja kishte shprehur se Top Channel ishte zgjedhja e saj kryesore për të vijuar rrugëtimin profesional.

Ky ndryshim i mundshëm nga roli i moderatores te ai i banores pritet të tërheqë shumë vëmendje, duke pasur parasysh që shikuesit do të kenë mundësinë ta ndjekin atë përgjatë 24 orëve, jashtë kornizave të zakonshme të ekranit.