Gjendet pa shenja jete një person në Han të Elezit, rasti nën hetime

4

Një person është gjetur pa shenja jete të martën mbrëma në Han të Elezit.

Sipas policisë, rasti ka ndodhur rreth orës 20:45, pasi viktima, shtetas i Kosovës, është gjetur pa shenja jete nga një dëshmitar.

Në vendin e ngjarjes kanë dalë njësitë relevante policore, ndërsa ekipi mjekësor ka konstatuar vdekjen e viktimës.

Me vendim të prokurorit, trupi i pajetë është dërguar në Institutin e Mjekësisë Ligjore (IML) për ekzaminime mjeko-ligjore.

Policia ka bërë të ditur se rasti është ende duke u hetuar, ndërsa rrethanat dhe shkaku i vdekjes ende nuk dihen, transmeton Klankosova