Shtatzënë për herë të dytë? Orinda u përgjigjet prerë dyshimeve të ndjekësve

1

Një video e ngrohtë familjare e publikuar së fundmi nga moderatorja Orinda Huta, ku shfaqej krahas bashkëshortit të saj, Turjan Hysko, dhe vajzës së tyre, Atara, mjaftoi që rrjeti të “vlonte” nga dyshimet. Detajet e vogla në pamjen e saj nxitën menjëherë imagjinatën e ndjekësve, të cilët filluan të aludonin se Orinda mund të jetë në pritje të ëmbël për herë të dytë.

Pas qindra komenteve dhe urimeve që vërshuan në profilin e saj, duke hamendësuar madje edhe gjininë e fëmijës për shkak të ngjyrave të përdorura në veshje, Orinda ka vendosur të reagojë publikisht.

Përmes një postimi të fundit në Instagram, ku shfaqet me një fustan të gjatë ngjyrë blu, ajo ka sqaruar një herë e mirë të vërtetën me një dozë të këndshme humori.

“Për të gjithë detektivët e komenteve: jo, nuk jam shtatzënë. Ishte thjesht dita e parë e ciklit. Kur të jem, ju premtoj që do e bërtas vetë! Ju dua,” shkroi Orinda në përshkrimin e fotos.

Me këtë përgjigje kaq të sinqertë dhe pa doreza, moderatorja jo vetëm që i shuajti kureshtjen “detektivëve” të rrjeteve sociale, por u tregua edhe një herë shumë e afërt dhe e vërtetë me ndjekësit e saj.

Tashmë është e qartë: kur të ketë lajme të reja për zgjerimin e familjes Hysko, do t’i marrim vesh direkt nga vetë Orinda!