Aktori i famshëm u rikthye në Instagram dhe shumë nuk e njohën

1

Aktori amerikan Rick Hoffman , ylli i serialit “Suits”, u rikthye këto ditë në Instagram dhe tregoi transformimin e tij drastik. Shumë nuk e njohën në fillim, ndërsa të tjerë e komplimentuan në komente.

Hoffman pozoi para një pasqyre, duke treguar figurën e tij më të hollë dhe flokët e gjatë.

“Ka kaluar ca kohë,” shkroi ai.

Hoffman është më i njohur për publikun për rolin e tij si avokat Louis Litt në nëntë sezone të serialit të famshëm, ku luante edhe Meghan Markle . Hoffman zakonisht kishte kokën e rruar për rolin e tij, kështu që shumë u habitën nga flokët e tij më të gjatë.

Disa fansa pyesnin veten se si aktori e arriti këtë transformim, dhe Hoffman zbuloi sekretin e tij. “Agjërimi intensiv me ndërprerje dhe dieta keto”, tha Rick, duke shtuar se ai gjithashtu hoqi dorë nga alkooli.
Hoffman ka folur më parë hapur për problemet e tij shëndetësore në të kaluarën.

“Në moshën 23 vjeç, u përballa me sfidën më të madhe ndonjëherë. Më pushtoi një ankth i madh sepse zgjohesha dhe ndihesha sikur po dilja nga lëkura ime në këtë makth 24/7.

Më diagnostikuan me çrregullim obsesiv-kompulsiv, por kjo ndodhi në vitin 1993, kur askush nuk e dinte vërtet se çfarë dreqin ishte, dhe kur i sheh gjërat nga një perspektivë tjetër, ku ndihesh sikur bota jote po të shembet çdo ditë, e sheh botën tepër ndryshe nga njerëzit e tjerë. Nëse kjo nuk do të më kishte ndodhur mua, nuk do të kisha pasur kurrë sukses në asnjë karrierë. Ishte një mësim shumë i shpejtë në jetë”, tha Hoffman