Një urim tejet i ngrohtë dhe plot mirënjohje ka ardhur nga fituesja e “Big Brother VIP Albania 5”, Selin Bollati, për një nga figurat më ikonike të ekranit shqiptar, moderatorin, këngëtarin dhe producentin e njohur Ardit Gjebrea, me rastin e ditëlindjes së tij.
Përmes një postimi në rrjetet sociale, të shoqëruar me një foto krah tij në skenën e magjishme të “Kënga Magjike”, Selin nuk i ka kursyer fjalët e ndjera për njeriun që e konsideron mentorin e saj.
“Gëzuar Ditëlindjen Ardit! Sa dashuri mban zemra ime për ty, këtë as nuk e përshkruaj dot, as fjalë mjaftueshëm nuk ka… Përjetë mirënjohëse dhe absolutisht me shumë fat që Zoti më solli tek ty. Festofsh 100-ra ditëlindje të tjera, Mentor!” – ka shkruar ajo.
Ky mesazh tregon qartë lidhjen e fortë profesionale dhe emocionale që balerina gëzon me Gjebrean, duke e vlerësuar lart udhëheqjen dhe mbështetjen e tij në rrugëtimin e saj televiziv.
