Arbana Osmani nuk pati të njëjtin shkëlqim në “Ferma VIP”?

1

Publiku është mësuar ta shohë Arbana Osmanin në krye të formateve të mëdha televizive, veçanërisht në “Big Brother VIP Albania”. Megjithatë, aventura e saj në “Ferma VIP” duket se ka sjellë reagime të ndryshme nga publiku.

Edhe pse formati arriti të tërhiqte vëmendje dhe të komentohej gjerësisht në rrjetet sociale, një pjesë e ndjekësve kanë vlerësuar se nuk arriti të krijojë të njëjtin impakt si spektaklet ku Arbana ka qenë më herët pjesë.

Po ashtu, krahas dinamikave të programit, në fokus kanë qenë edhe paraqitjet e moderatores. Veshjet e saj janë komentuar shpesh në rrjet, me disa ndjekës që i kanë krahasuar me stilin që ajo kishte në “Big Brother VIP Albania”.

Megjithatë, “Ferma VIP” ka mbetur një nga formatet më të diskutuara të sezonit, duke mbajtur Arbana Osmanin në qendër të vëmendjes së publikut dhe mediave rozë, shkruan Kosovarja.