Momenti kur pronari i ONIMA-s dhe fëmija i tij përballen me armën e Gjestit

June 3, 2026 • boadmin

20 shkurti 2026 nuk ishte thjesht një ditë tjetër për familjen e pronarit të ONIMA-s.

Ishte dita kur, sipas denoncimit të bërë në organet e drejtësisë, ai dhe fëmija i tij i mitur u përballën ballë për ballë me një person të armatosur. Dita kur frika nuk ishte më një ndjenjë, por një realitet që po zhvillohej para syve të tyre.

Pamjet që u publikuan sot ekskluzivisht nga Sinjali dokumentojnë pikërisht atë moment.

Një ngjarje e rëndë, e denoncuar në Prokurori, e regjistruar nga kamerat e sigurisë dhe e njohur për institucionet, por që çuditërisht nuk gjeti vend as në aktakuzë dhe as në marrëveshjen për pranimin e fajësisë që pasoi për veprat e tjera penale që i atribuoheshin Gjestit.

Ndërsa u trajtuan pretendimet për kanosje, demolim të zyrave dhe armëmbajtje pa leje, episodi ku pronari i ONIMA-s dhe fëmija i tij provohet se u vunë përballë një arme mbeti jashtë dosjes penale.

Pikërisht ky është paradoksi që ngre sot pyetje të rënda: si mund të mbetet pa trajtim një incident i tillë, kur në qendër të tij ndodhej jo vetëm një qytetar i kërcënuar, por edhe një fëmijë që pa me sytë e tij një skenë që askush nuk do të dëshironte ta përjetonte?

Katër muaj më vonë, pamjet ekzistojnë. Denoncimi ekziston. Frika e përjetuar ekziston.

Ajo që mungon është përgjigjja se pse ky rast nuk u hetua dhe pse askush nuk është përballur me drejtësinë për këtë episod të veçantë.

**Këto janë pamjet që tregojnë atë që dosja penale nuk e përfshiu kurrë.**👇🏻