Alice me mesazhe të koduara në TikTok? Çfarë po ndodh pas thashethemeve për Klodin dhe Elijonën

1

Dinamika pas përfundimit të edicionit të fundit të Big Brother VIP 4 vazhdon të prodhojë momente që tërheqin vëmendjen e ndjekësve në rrjetet sociale, veçanërisht kur bëhet fjalë për marrëdhëniet mes ish-banorëve.

Kohët e fundit, vëmendja është përqendruar te lëvizjet virtuale të Alice Maselli-t, të cilat po analizohen me interes nga publiku në dritën e thashethemeve gjithnjë e më të shpeshta për një romancë mes ish-partnerit të saj, Klodit, dhe Elijonës.

Ndonëse kjo e fundit është shprehur publikisht se Klodin e ka thjesht “shok”, detajet dhe afërsia mes tyre i kanë bërë ndjekësit pothuajse të bindur se mes dyshes ka diçka më shumë.

Në mes të këtyre dyshimeve të forta që qarkullojnë në rrjet, ndjekësit kanë vënë re një ndryshim të shpejtë në qasjen dhe tonin e videove që Alice ndan në TikTok, duke ngritur hipoteza se postimet e saj mund të jenë reagime të tërthorta.

Vetëm pak ditë më parë, ajo u shfaq mjaft reflektuese, duke ndarë disa parime personale ku theksonte se zgjedh të mos bllokojë njerëz, të mos hedhë poshtë kujtimet dhe të ruajë një “shpirt të pastër” pavarësisht rrethanave të jetës.
Ky mesazh u perceptua fillimisht si një shenjë maturimi apo mbyllje paqësore e një kapitulli.

Megjithatë, një video e publikuar së fundmi ka sjellë një tjetër atmosferë.

Këtë herë, Alice ka ndarë një shkrim në italisht ku shprehet me ironi dhe humor se ndonjëherë pranon të bëjë zgjedhje të gabuara vetëm për hir të “plot-it” apo dramës që kërkojnë shoqet e saj.

Ky kalim i shpejtë nga mesazhet e qeta te një qëndrim më rebel dhe ironizues ka nxitur diskutime të shumta në seksionin e komenteve.

Mbetet e paqartë nëse këto postime janë thjesht përmbajtje argëtuese e bazuar në trendet e momentit në rrjetet sociale, apo nëse mbajnë vërtet ndonjë mesazh të fshehur dedikuar situatës së re që po përflitet rreth ish-partnerit të saj.

@alice_maselli Che si fa in questi casi ? 😂😂 #fyp #pertee ♬ オリジナル楽曲 – EDM Worlds PLUR 🌏🫶