‘Vjehrra më tha,’ Ana tregon çka i tha nëna e Kevin gjatë periudhës së vështirë

2

E ftuar në Prive By Liberta Spahiu, Ana Ejupi ka hapur zemrën duke folur gjerë e gjatë për vitin e vështirë që ka lënë pas.

Ana ndau me publikun detaje të pathëna më parë nga jeta e saj personale, sfidat e përshtatjes në një vend të huaj dhe të vërtetën e zërave të fundit për marrëdhënien e saj me Kevinin.

Pjesë e rrëfimit të saj ishte udhëtimi i gjatë në Amerikën Latine, ku Ana takoi nga afër familjarët e Kevinit në Kili. Ajo nuk hezitoi të tregonte vështirësitë me të cilat u përball në fillim për t’u ambientuar në një shtet dhe kulturë krejtësisht tjetër.

“Çfarë jemi duke lyp këtu?”, zbuloi Ana t’i ketë thënë Kevinit në momentet e para kur sapo kishin shkuar në Kili, e rënduar nga sfidat e ambientimit.

Megjithatë, mikpritja dhe dashuria e familjes së tij e bënë gjithçka më të lehtë.

Po ashtu, ajo zbuloi raportin e mrekullueshëm që ka krijuar me nënën e Kevinit. “Vjehrra më ka kuptuar shumë. E telefonoja dhe më thoshte: ‘Po të kuptoj, kështu kam qenë edhe unë kur isha e re’,” – u shpreh Ana, duke treguar mirëkuptimin e madh që ka gjetur tek ajo. Madje, kjo harmoni reflektohet edhe në afërsinë e bukur që nëna e Anës ka krijuar me vjehrrën e saj.

Natyrisht, gjatë intervistës nuk mund të anashkalohej as tema më e përfolur e kohëve të fundit në rrjetet sociale. Ana foli hapur për debatet që ka pasur me Kevinin dhe sqaroi të gjithë situatën rreth “unfollow-t” të ndërsjellë dhe fshirjes së fotove të tyre të përbashkëta nga Instagrami, një veprim që kishte ngritur shumë dyshime tek ndjekësit për një ndarje të mundshme.

Intervistën e saj të plotë mund ta dëgjoni në materialin më poshtë!