Debati mes dy këngëtareve të njohura, Jonida Maliqi dhe Soni Malaj, u bë i dukshëm gjatë pjesëmarrjes së tyre në “Ferma VIP”.
Edhe pse në rrjet u fol për një raport të tensionuar mes tyre, të dyja kanë mohuar se ekziston ndonjë konflikt i vjetër.
Pas daljes nga reality show, Jonida ka reaguar pasi ka parë disa komente dhe deklarata të Sonit brenda programit.
Ajo u shpreh se koleget kanë formime dhe rrugë të ndryshme, si në arsim ashtu edhe në mënyrën e të jetuarit dhe zhvillimit të karrierës.
Sipas saj, ka pasur një distancë në përvojat e tyre artistike, duke përmendur edhe pjesëmarrjet në kompeticione ku ajo thotë se ka pasur rezultate të suksesshme, ndërsa shton se disa arritje të së kaluarës nga ana e saj duket se nuk janë marrë më parasysh nga Soni.
“Në momentin që i sqaroj gjërat, zgjedh t’i lë aty ku ndodhin dhe të mos i zgjas në publik. E pashë edhe reagimin e saj. Unë e vlerësoj si kolege, por jemi rritur dhe formuar ndryshe. Edhe karrierat tona kanë ecur në mënyra të ndryshme. Ka pasur evente dhe gara ku unë kam dalë mirë, por duket se Soni nuk i kujton më dhe fokusohet më shumë te gjëra të tjera si imazhi. Këto lloj krahasimesh nuk e rrisin një person, përkundrazi e ulin”, u shpreh Jonida Maliqi.
