Personi i gjetur pa shenja jete në një banesë në Fier është identifikuar si Ilir Zarka, 47 vjeç.
Sipas informacioneve paraprake, ai është konstatuar në dritaren e një banese në lagjen “8 Shkurti”, nga një fqinj i pronarit të objektit.
Dyshohet se 47-vjeçari kishte hyrë në banesë me qëllim vjedhjeje, ndërsa paraprakisht mendohet se ka humbur jetën nga asfiksia. Autoritetet vijojnë hetimet për të sqaruar plotësisht rrethanat e ngjarjes.
NJFOTIMI:
“Në lagjen “8 Shkurti”, Fier, është gjetur pa shenja jete, në dritaren e një banese, shtetasi I. Z., 47 vjeç.
Nga këqyrja paraprake e trupit të viktimës nuk janë konstatuar shenja dhune dhe dyshohet se ai ka ndërruar jetë nga asfiksia, gjatë tentativës për t’u futur në banesë”, njofton policia.
Grupi hetimor ndodhet në vendngjarje dhe po punon për sqarimin e plotë të rrethanave të rastit.
