Blog

Kombëtarja e Kosovës në futboll rikthehet sonte në aksion. Dardanët do të përballen me Suedinë në ‘Fadil Vokrri’, në kuadër të kualifikimeve për Kupën e Botës 2026.

Kosova, në duel me suedezët, vjen pas humbjes në udhëtim ndaj Zvicrës (4-0).Pavarësisht disfatës nga Zvicra, atmosfera në taborin e kombëtares sonë mbetet e mirë dhe premtuese për një paraqitje dinjitoze ndaj Suedisë.

Kosova, edhe në këtë duel, nuk do të mund të llogarisë në shërbimet e Edon Zhegrovës, Milot Rashicës dhe Amir Rrahmanit, ky i fundit u lëndua në ballafaqimin me Zvicrën.

Përzgjedhësi i Kosovës, Franco Foda, në konferencën e fundit për shtyp para sfidës me Suedinë, është shprehur i bindur se skuadra do të luajë më mirë se ndaj Zvicrës.

Tekniku gjerman është i vetëdijshëm se kombëtarja skandinave është favorite, por ka theksuar se e rëndësishme është që Kosova të paraqitet ndryshe nga ajo ndeshje.

“Ne kemi analizuar të gjitha gabimet në ndeshjen me Zvicrën. Jemi të vetëdijshëm që Zvicra është një kombëtare e fortë. Nuk kemi mundur ta zbatojmë lojën tonë në atë ndeshje, por në pjesën e dytë kemi luajtur më mirë. Jam i bindur që kundër Suedisë do të luajmë shumë më mirë. Jemi në shtëpi dhe do të përpiqemi t’i kënaqim shikuesit, sikurse në ndeshjet e kaluara që i kemi fituar. Ne e kemi analizuar edhe ndeshjen e Suedisë, është një skuadër shumë e mirë, me lojtarë cilësorë. Është e qartë që Suedia është favorite, por për mua është e rëndësishme që ne të bëjmë një tjetër ndeshje”, ka thënë Foda.

Ndeshja mes Kosovës dhe Suedisë fillon në orën 20:45.

Kryetari i Kuvendit të Republikës së Maqedonisë së Veriut, Afrim Gashi, uron qytetarët me rastin e 34-vjetorit të Pavarësisë, duke theksuar rëndësinë e unitetit, paqes dhe përkushtimit ndaj së ardhmes euroatlantike të vendit

Urimi i plotë:

Të nderuar qytetarë,

Në emër të Kuvendit të Republikës së Maqedonisë së Veriut, dhe në emrin tim personal, të gjithë qytetarëve ju uroj 34-vjetorin e shtetit tonë të pavarur. Dita e Pavarësisë është një moment i veçantë, një mundësi për të reflektuar mbi arritjet e mëdha të këtij shteti

Në këtë përvjetor, mesazhi im për qytetarët është që të bashkohemi rreth vlerave të unitetit dhe përkushtimit për të përmbushur aspiratat e vendit tonë. Është koha që secili prej nesh të japë kontributin e tij në forcimin e paqes, stabilitetit dhe bashkëjetesës në vend.

Si një aleat i besueshëm i NATO-s dhe si një vend kandidat për anëtarësim në Bashkimin Europian, ky është një moment që na kërkon të vazhdojmë përpjekjet për të ndërtuar një të ardhme më të sigurt dhe më të ndritshme për brezat që do të vijnë.

Urime 8 Shtatorin- Ditën e Pavarësisë!
Me respekt,
Afrim Gashi
Kryetar i Parlamentit të Republikës së Maqedonisë së Veriut

Revista prestigjioze britanike The Standard ka publikuar listën e saj vjetore me 100 londinezët më seksi.

Krahas emrave të njohur të botës së artit, muzikës, modës dhe sportit, spikasin edhe tri yje me origjinë shqiptare: Rita Ora, Elena Ora dhe Dua Lipa.

Revista ka dhënë një përshkrim mbi arsyet se pse secila prej tyre zënë vend në këtë listë.

Këngëtarja 34-vjeçare Rita Ora, e cila prej vitesh është një nga emrat më të fortë të skenës ndërkombëtare, u përfshi në listë për karizmin e saj unik, suksesin në muzikë dhe stilin e guximshëm. Revista e përshkruan si një “pop star, prezantuese televizive dhe një vajzë festash”, duke kujtuar se bashkëshorti i saj, regjisori Taika Waititi, e ka quajtur shpesh si njeriun që di të kthejë çdo ngjarje në një spektakël.

Në listë nuk mungon as motra e saj më e madhe, Elena Ora, 36 vjeçe, e cila prej vitesh punon si menaxhere artistësh. The Standard e cilëson atë si “gjysmën tjetër të motrave më seksi të Londrës”, duke theksuar se Elena është gjithmonë energjia e çdo darke, e njohur për humorin e saj, stilin provokues dhe aftësinë për të shkëlqyer në çdo dalje publike.

Edhe Dua Lipa, një tjetër superyll me origjinë shqiptare, është pjesë e listës. Revista i kushton vëmendje jo vetëm suksesit të saj në muzikë, por edhe lidhjes me aktorin Callum Turner. Dyshja janë cilësuar si “çifti më seksi i verës” pasi publikuan foto nga pushimet e tyre në Ibiza gjatë festimit të 30-vjetorit të këngëtares.

Krahas shqiptareve të famshme, në listë janë përfshirë edhe emra të njohur si Romeo Beckham, Cara Delevingne, Mick Jagger, Tom Ford, Stormzy, Harry Styles, Idris Elba, Anthony Joshua, Naomi Campbell, Tom Hardy dhe reperi Skepta.

Source link

Revista prestigjioze britanike The Standard ka publikuar listën e saj vjetore me 100 londinezët më seksi.

Krahas emrave të njohur të botës së artit, muzikës, modës dhe sportit, spikasin edhe tri yje me origjinë shqiptare: Rita Ora, Elena Ora dhe Dua Lipa.

Revista ka dhënë një përshkrim mbi arsyet se pse secila prej tyre zënë vend në këtë listë.

Këngëtarja 34-vjeçare Rita Ora, e cila prej vitesh është një nga emrat më të fortë të skenës ndërkombëtare, u përfshi në listë për karizmin e saj unik, suksesin në muzikë dhe stilin e guximshëm. Revista e përshkruan si një “pop star, prezantuese televizive dhe një vajzë festash”, duke kujtuar se bashkëshorti i saj, regjisori Taika Waititi, e ka quajtur shpesh si njeriun që di të kthejë çdo ngjarje në një spektakël.

Në listë nuk mungon as motra e saj më e madhe, Elena Ora, 36 vjeçe, e cila prej vitesh punon si menaxhere artistësh. The Standard e cilëson atë si “gjysmën tjetër të motrave më seksi të Londrës”, duke theksuar se Elena është gjithmonë energjia e çdo darke, e njohur për humorin e saj, stilin provokues dhe aftësinë për të shkëlqyer në çdo dalje publike.

Edhe Dua Lipa, një tjetër superyll me origjinë shqiptare, është pjesë e listës. Revista i kushton vëmendje jo vetëm suksesit të saj në muzikë, por edhe lidhjes me aktorin Callum Turner. Dyshja janë cilësuar si “çifti më seksi i verës” pasi publikuan foto nga pushimet e tyre në Ibiza gjatë festimit të 30-vjetorit të këngëtares.

Krahas shqiptareve të famshme, në listë janë përfshirë edhe emra të njohur si Romeo Beckham, Cara Delevingne, Mick Jagger, Tom Ford, Stormzy, Harry Styles, Idris Elba, Anthony Joshua, Naomi Campbell, Tom Hardy dhe reperi Skepta.

Besa Kokëdhima po martohet. Këngëtarja e mirënjohur prej kohësh ka folur për jetën e saj private, duke bërë me dije se është e lumtur dhe më e dashuruar se kurrë.

Ndonëse një ndër personazhet më diskrete kur vjen puna te jeta sentimentale, gjithnjë këngëtarja e ka pranuar hapur raportin e saj të konsoliduar tanimë.

Dhe më në fund gjithçka duket gati për dasmën e shumëpritur. Këngëtarja ka bërë gati të gjitha detajet, për martesën që do të bëhet me 14 shtator.

Edhe në ditën e saj të shënuar, artistja ka preferuar që të mbajë gjithçka sa më diskrete. Ajo dhe Tedi do t’i thonë njëri-tjetrit “Po”, në një lokacion shumë të veçantë, larg Tiranës.

Dasma është projektuar të jetë sa më private, me shumë pak miq dhe personazhe të famshëm. Vetë këngëtarja ka kërkuar që të ftuarit të mos postojnë asgjë nga dasma e saj, duke preferuar që edhe ceremonia të kalojë pa u zbuluar në media, apo në rrjetet sociale.

Ajo dhe Tedi janë në një lidhje të konsoliduar prej vitesh tanimë, ndonëse e jetojnë këtë histori dashurie larg syve të publikut.

Për të gjithë ata që nuk e njohin, Tedi është një emër i njohur si ekspert juridik dhe ka preferuar që të mbajë një profil të ulët edhe në profesionin e tij. Pas disa vitesh në një lidhje, çifti më në fund ka vendosur që të bëjë edhe dasmën e tyre.

Me miqtë e ngushtë dhe të afërmit e tyre, çifti ka zgjedhur një resort lart kryeqytetit për të festuar dashurinë. Disa nga emrat më të njohur të skenës, do të jenë të ftuar për të performuar live në festë. E deri me 14 shtator, mendojmë se do të jetë e pashmangshme, që disa foto, apo pamje nga ceremonia mos të ‘rrëshqasin’ në rrjetet sociale.

Në një dalje të saj mediatike, Besa rrëfeu se është më e dashuruar se kurrë dhe se partneri i saj është mbështetja më e madhe në ditët e ngarkuara.

“Kur jam e stresuar, ai është i vetmi që më qetëson. Kuptimi i jetës për mua është dashuria”, – u shpreh këngëtarja, duke treguar se ndjenjat janë në qendër të gjithçkaje për të.

Por surprizat nuk përfunduan këtu. Besa la të kuptohet se dasma është shumë afër. “Po, themi që së shpejti do të kemi dasmë”, – tha ajo me entuziazëm, duke shtuar se do të ketë më shumë se një fustan. “Jam gocë serioze, një herë në jetë dua të martohem. Nuk dua të më mbetet gjë peng”, – përfundoi artistja.