botimet.com

Blog

  • Ferizaj mund Prishtinën, s’ka gola në Klinë


    Kanë përfunduar dy ndeshjet e fundit të javës së 21-të në Superligën e Kosovës në futboll.

    Ferizaj e ka mposhtur Prishtinën, me rezultat 1-0, të dielën në Ferizaj.

    Dueli mes ferizajasve dhe prishtinasve, ka dhuruar një sfidë të kënaqshme, derisa ishte Albion Kurtaj në minutën e 12-të që shënoi golin e fitores për Ferizajn, e cila tani ka 26 pikë në mesin e tabelës, kurse, Prishtina renditet e katërta me 29 sosh.

    Dueli tjetër i të dielës mes Dukagjinit dhe Gjilanit është mbyllur pa gola.

    Të dy skuadrat patën rastet e tyre, megjithatë, kjo përballje nuk prodhoi asnjë gol.

    Dukagjini ka 25 pikë në pozitën e shtatë, kurse, Gjilani ka dy pikë më shumë në vendin e pestë. 

    Source link



    Source link

  • Andonovski: RMV- ja bëhet lider në shërbimet elektronike në Ballkanin Perëndimor


    Ministri i Transformimit Digjital, Stefan Andonovski në fjalimin në Forumin për Zhvillim Rajonal të organizuar nga Unioni Ndërkombëtar i Telekomunikacionit (ITU), i cili aktualisht po mbahet në Budapest, Republika e Hungarisë theksoi se në Maqedoni industria digjitale kontribuon mbi 5% në BPV dhe se kjo shifër është në rritje.

    “Qëllimi ynë është ta përshpejtojmë këtë rritje duke investuar në inteligjencën artificiale, sigurinë kibernetike dhe infrastrukturën dixhitale, duke siguruar që çdo qytetar të ketë akses në shërbime dixhitale të shpejta, të besueshme dhe të sigurta. Duke parë përpara në vitin 2025, momenti ynë i ardhshëm historik është zgjerimi i shërbimeve dixhitale të qeverisë dhe zhvillimi i iniciativave të qytetit të zgjuar, sistemeve të identitetit dixhital dhe automatizimi i AI. Ne nuk duam vetëm të vazhdojmë me revolucionin dixhital, ne duam që Maqedonia të bëhet lider në qeverisjen dixhitale në Ballkanin Perëndimor”, tha ministri Andonovski.

    Andonovski shtoi se dixhitalizimi nuk shtrihet vetëm brenda kufijve shtetërorë dhe për këtë Maqedonia është e përkushtuar për bashkëpunim rajonal në fushën e Agjendës Digjitale për Ballkanin Perëndimor dhe harmonizimin me politikat digjitale të BE-së.

    “Duke ndarë praktikat më të mira, duke harmonizuar rregulloret dhe duke investuar në infrastrukturën ndërkufitare, ne mund të përshpejtojmë kolektivisht transformimin dixhital në të gjithë vendet e Evropës Juglindore”, tha Andonovski.



    Source link

  • Mos harroni që kemi rikuperuar 40 pikë ndaj tyre

    Mos harroni që kemi rikuperuar 40 pikë ndaj tyre


    Humbja 2-1 përballë Komos e skuadrës së Napolit, ka bërë që tashmë në vendin e parë në renditjen e Serisë A të mbetet Interi i cili një natë më parë mundi Xhenoan. Një rrëshqitje e cila zbeh sezonin e Napolit, të Antonio Kontes, i cili pranoi se ekipi nuk ishte paraqitur në lartësinë e duhur në pjesën e dytë të sfidës.

    antonio konte

    “Është e pashmangshme që pjesa e dytë nuk më ka kënaqur, pas një pjese të parë shumë të mirë. Skuadra nuk u dorëzua pas autogolit, në pjesën e dytë hymë në fushë dhe praktikisht bëmë të kundërtën e asaj që kishim thënë në dhomat e zhveshjeve. Komo kishte më shumë uri se ne, të vjen shumë keq por padyshim duhet të mundohemi ët kuptojmë arsyen e kësaj rënie.

    Çdo fitore duhet djersitur, sapo ngadalësojmë në aspektin e egërsisë, mund të ndodhë kjo. Faji im. Nuk e kuptova një ngadalësim në aspektin e vëmendjes dhe egërsisë. Duhet të punojmë shumë dhe të bëjmë më të mirën tonë. Mos harrojmë që në krahasim me Interin, kemi rikuperuar 40 pikë në krahasim me vitin e kaluar. Po bëjmë diçka të jashtëzakonshme, por duhet të mbajmë këtë grintë dhe egërsi edhe në vazhdim. Duhet të japim maksimumin nga këtu, deri në fund, nuk tolerohen humbjet. E urrej të mundem, ndaj deri në fund do të jem i vëmendshëm, duke e ditur që djemtë po bëjnë diçka të jashtëzakonshme”, ishin fjalët e Kontes pas humbjes së Napolit.

    PANORAMASPORT.AL

    NDIQE LIVE “PANORAMA TV”







    Source link

  • Osmani uron Merzin për fitoren në zgjedhjet e Gjermanisë


    Presidentja e Kosovës, Vjosa Osmani, ka uruar liderët e koalicionit CDU/CSU, Friedrich Merz dhe Markus Soeder, për fitoren e tyre në zgjedhjet federale të Gjermanisë.

    Nëpërmjet një postimi në “X”, Osmani ka theksuar se Kosova dhe Gjermania ndajnë një histori të gjatë marrëdhëniesh të shkëlqyera.

    “Mezi pres të thellojmë lidhjet tona të ngushta në vitet në vijim”, ka shtuar presidentja.



    Source link

  • Tom Doshi pasi del nga SPAK: E kam mbështetur e do ta mbështes reformën në drejtësi


    Pasi ka dalë nga SPAK, kreu i PSD Tom Doshi ka thënë se ka qenë i thirrur për zgjedhjet në Rrogozhinë.

    Ai tha se ka bërë një takim gjatë zgjedhjeve në Rrogozhinë dhe se ai person që ka takuar, ka qenë në përgjim.

    “Është normale të na thërrasë Prokuroria. Kam bërë një takim në Rrogozhinë unë dhe personi që kam takuar ka qenë në përgjim. Kaq”, ka thënë ai.

    I pyetur nëse do votojë për shkrirjen e SPAK, Doshi theksoi se nuk do ta bënte këtë asnjëherë. Ai shtoi se e mbështet reformën në drejtësi.

     

    “Asnjëherë. E kam mbështetur reformën në drejtësi dhe deputetët tanë edhe sot, edhe në mandatin tjetër do ta mbështesin SPAK”, deklaroi Doshi.

    Source link



    Source link

  • Punoi avokat, por syrin e kishte tek politika! Kush është Friedrich Merz, kreu i CDU-së, që pritet të bëhet kancelari i ardhshëm i Gjermanisë


    Friedrich Merz, lideri i Unionit Kristian Demokrat (CDU) – pritet të bëhet kancelari i ardhshëm i Gjermanisë.I përshkruar nga mbështetësit e tij si një kundërhelm ndaj krizës së besimit të Evropës, Merz, 69 vjeç, është një fytyrë e njohur për gardën e vjetër të partisë së tij.

    Merz lindi në qytetin e Gjermanisë perëndimore të Brilon në vitin 1955 në një familje të shquar konservatore, katolike. Babai i tij shërbeu si gjykatës vendas, ashtu si edhe gruaja e Friedrich Merz-it, Charlotte deri më sot.

    Merz iu bashkua CDU-së kur ishte ende në shkollë.

    Në një intervistë 25 vjet më parë me gazetën gjermane Tagesspiegel, ai pretendoi për një rini më të egër sesa mund të sugjeronte CV-ja e tij.

    Pas shkollës, ai vazhdoi shërbimin ushtarak përpara se të studionte drejtësi dhe të martohej me kolegen Charlotte Gass në 1981.

    Për disa vite, Merz punoi si avokat, por ai e kishte gjithmonë syrin te politika dhe u zgjodh në Parlamentin Evropian në vitin 1989, në moshën 33-vjeçare. Ai u ngrit në gradat, duke u shpallur si një talent në fraksionin më të djathtë dhe tradicionalist të partisë.

    Merz përfundimisht u largua nga politika në vitin 2009, disa vite pasi rivalja Angela Merkel fitoi udhëheqjen e partisë CDU. Ai bëri tre përpjekje për të udhëhequr partinë e tij – dy dështimet e tij të para ishin në 2018 dhe janar 2021.



    Source link

  • Fero shihet i lumtur pranë bashkëshortes

    Fero shihet i lumtur pranë bashkëshortes


    Fero mbrëmë përmes disa postimeve ka treguar se i ka dhënë fund beqarisë.

    Duke mbajtur në privatësi identitetin e bashkëshortes, por nuk mungoi për të treguar se ndjehet i lumtur, shkruan “Kosovarja”.


    Për ndryshe Fero nuk ka ndarë detaje nga ceremonia e dasmës, e mesa duket kjo ishte dëshira e tij të mbajë larg syrit të mediave.

    Kujtojmë që kjo është martesa e dytë për ish-reperin, pasi ai aktualisht është në proces divorci me modelen Arbenita Ismail.



    Source link

  • Liverpooli mposht Manchester Cityn – KosovaNews – botimet.com


    Skuadra e Liverpoolit ka shënuar fitore të lehtë në “Etihad” ndaj Manchester Cityt me shifrat 0:2 në ndeshjen e vlefshme për javën e 26-të në Premier League.

    Qysh në pjesën e parë “The Reds” shënuan dy gola që ishin vendimtarë për këtë takim.

    Fillimisht shënoi Mo Salah në minutën e 14’të dhe më pas, Szoboszlai në minutën e 37’të.

    Me këtë fitore, Liverpooli shkon në kuotën e 64 pikëve në pozitën e parë, duke çuar plus 11 pikë nga pozita e dytë (Arsenal).



    Source link

  • Liverpooli mposht Manchester Cityn – KosovaNews


    Skuadra e Liverpoolit ka shënuar fitore të lehtë në “Etihad” ndaj Manchester Cityt me shifrat 0:2 në ndeshjen e vlefshme për javën e 26-të në Premier League.

    Qysh në pjesën e parë “The Reds” shënuan dy gola që ishin vendimtarë për këtë takim.

    Fillimisht shënoi Mo Salah në minutën e 14’të dhe më pas, Szoboszlai në minutën e 37’të.

    Me këtë fitore, Liverpooli shkon në kuotën e 64 pikëve në pozitën e parë, duke çuar plus 11 pikë nga pozita e dytë (Arsenal).



    Source link

  • Osmani: Bashkë me Ali Ahmetin, ti themi mjaftë margjinalizimit, përbuzjes e padrejtësisë


    Nënkryetari i BDI-së, Bujar Osmani ka ftuar banorët e Çairit që më 27 shkurt të bëhen pjesë e tubimit të partisë, dhe siç thotë Osmani, bashkë me kreun e integristëve, “t’i thuhet mjaft padrejtësive”. Osmani thotë se duhet të krijohet “energji e re e ndryshimit”.

    “Të dashur qytetarë të Çairit, koha për veprim është tani. Më 27 shkurt, e enjte në ora 19:00, në Sallën “MNT” në Qendër të Shkupit, të bëhemi të gjithë bashkë, ta presim Ali Ahmetin dhe njëzëri t’i themi mjaft margjinalizimit, përbuzjes e padrejtësisë. Të krijojmë një valë të re të energjisë, që do të ndryshojë rrjedhën e kohës. Secili prej jush ka rëndësi që të shkruajmë një histori të re për një të ardhme më të drejtë dhe të dinjitetshme për të gjithë ne”, thotë Osmani.



    Source link