Author: arso

Nga partia opozitare LSDM sot thanë në press konferencë se do të tregojë të vërtetën e tragjedisë në Koçan

 

Personi që ata përmendin këtë herë është Dragan Kazak Petrushev.

Sipas nënkryetarit të partisë Metodija Ilievski, ky person ka qenë përgjegjës për aksionin kontrollues që duhej t’i bëhej atë natë diskotekës Puls. Për të Ilievski thotë se ekzistojnë incizime që tregojnë se ai i ka mbyllur dyert e diskotekës, e cila është në kundërshtim me procedurat standarde operative.

“A ka shpjegim Dragan Petrushev përse aksionin kontrollues në diskotekën Puls nuk e kryen në orën 12:30 në fillim të ahengut, por në kundërshtim me urdhërin e marrë bënë kontrollë në tjetër objekt dhe pastaj ka fundi i ahengut bënë kontrollë në diskotekën Puls. A ekziston marrëveshje mes pronarit të diskotekës dhe atij, që kontrolla të bëhet në fund, me qëllim që të rritet përfitimi”, tha Metodija Ilievski nga LSDM.

LSDM pyet përse ky person është i mbrojtur nga VMRO-DPMNE, apo për faktin se është i lidhur me këtë parti.

“A është Dragan Kazak Petrushev i mbrojtur sepse është anëtar i VMRO-DPMNE-së në Koçan dhe i bënë punët e pista të partisë në qytetin e Koçanit me vite? Apo ndoshta Petrushev është i mbrojtur sepse posedon materiale komprometuese për funksionarët e VMRO-DPMNE-së, në mesin e tyre edhe deputetë?”, tha Ilievski.

LSDM bënë me dije se konferencat për tragjedinë e Koçanit do të vazhdojnë edhe ditët në vijim.

Source link

Source link

Source link

19

Hirra e qumështit dhe e kosit është një nga produktet më mirëbërëse dhe funksionon shumë mirë si kurë natyrale për shëndetin.

Hirra është e pasur me tetë minerale, vitamina kryesisht ato të grupit B, aminoacide, enzima dhe shumë elemente të tjera të shëndetshme.

Nga studimet rezulton se hirra përman 16 lloje proteinash. Por mbi të gjitha, hirra pastron mëlçinë dhe është pastruese për gjakun dhe krejt trupin.

Hirra për Problemet e Mëlçisë

Studime të reja të botuara në revistën Clinical Nutrition tregojnë se hirra ndihmon fort për të zvogëluar rrezikun e sëmundjes së mëlçisë së dhjamosur dhe sëmundjeve të zemrës.

Pas vetëm katër javëve të shtimit të proteinave të hirrës në ushqim, të dhënat kryesorë të yndyrave të gjakut u përmirësuan në mënyrë të fortë tek pjesëmarrësit.

Përdorimi i hirrës uli ndjeshëm sasinë e yndyrës brenda qelizave të mëlçisë së dhjamosur. Ekipi mjekësor i Universitetit të Lozanës në Zvicër sugjeron fuqishëm se proteina e hirrës arrin të jetë një mënyrë efikase për të luftuar sëmundjet e mëlçisë.

Hirra për Pastrimin e Gjakut

Megjithëse nuk i japim gjithmonë vëmendje mëlçisë, hirra është me rëndësi për pastrimin e gjakut duke pastruar kimikatet e dëmshme dhe toksinat.

Sipas shkencëtarëve, ka një lidhje mes problemeve të mëlçisë së dhjamosur dhe cilësisë së gjakut.

Hirra për Mbajtjen e Trupit në Formë

Është fakt i njohur se proteina ndihmon me mbajtjen e formës së trupit nën kontroll. Ajo është ushqyesi që e ngop më shumë organizmin nga gjithë të tjerët.

Në mjaft studime, ngrënia e proteinave në masën 25% të konsumit të kalorive ditore ul me 60% urinë për të ngrënë.

Studimet kanë treguar se zëvendësimi i burimeve të tjera të kalorive me proteina hirre, të kombinuara me aktivitet të fortë fizik, mund të sjellin ulje peshe prej rreth 3,5 kg në mënyrë krejt natyrale për 3 muaj.

Nëse jeni duke u përpjekur të humbni peshë, atëherë një shtojcë e proteinave me hirrë ju ndihmon të mbani trupin në formë dhe të ruani masën e çmuar muskulare.

Hirra mund të përdoret si nga të rriturit ashtu edhe nga fëmijët

Të vegjëlve i përzjehet me lëngje frutash me qëllim që të mësohen me shijen e veçantë të hirrës.

Një shishe 1 litroshe me hirrë kushton 50 lekë. Por mund ta bëni edhe vetë në shtëpi, me stilin e prerjes së qumështit.

Mund të konsumoni një litër në dy ditë, por sasia edhe mund të shtohet deri në një litër.

Përgatitja në shtëpi

Zjeni një litër qumësht, e kur të jetë në vlim e sipër hidhini një pikë limon që të pritet. Lëreni të ftohet dhe ndani veç lëngun e tejdukshëm që ngjitet sipër, pra hirrën.

Source link

42

E njohur si një nga frutat më të shëndetshme në botë, avokado po fiton gjithnjë e më shumë popullaritet edhe në tryezat shqiptare, falë përfitimeve të shumta që ofron për shëndetin.

E pasur me yndyra të shëndetshme, fibra, vitamina dhe antioksidantë, avokado është klasifikuar nga specialistët e ushqyerjes si një “superushqim”. Konsumimi i rregullt i saj ndikon në përmirësimin e funksioneve kardiovaskulare, mbështet funksionin e trurit dhe ndihmon në mirëmbajtjen e lëkurës së shëndetshme.

Avokado përmban acid oleik – një yndyrë e njëjtë me atë që gjendet në vajin e ullirit – e cila ndihmon në uljen e kolesterolit të keq (LDL) dhe rritjen e atij të mirë (HDL). Studimet kanë treguar se njerëzit që përfshijnë avokadon në dietën e tyre kanë më pak rrezik për sëmundje të zemrës.

Përmbajtja e lartë e folatit dhe vitaminës K në avokado mbështet funksionin e trurit, përmirëson kujtesën dhe ndihmon në parandalimin e sëmundjeve neurodegjenerative si Alzheimeri.

Lëkurë e shëndetshme dhe e hidratuar
Yndyrat natyrale dhe vitamina E që përmban avokado ndihmojnë në ushqimin e lëkurës dhe luftimin e plakjes së parakohshme. Maskat natyrale me avokado janë gjithashtu shumë të përdorura për hidratimin e fytyrës dhe trajtimin e irritimeve.

Ndihmon në tretje dhe kontroll të peshës
Me rreth 10 gramë fibra për çdo avokado, ky frut mbështet tretjen e shëndetshme dhe ndihmon në ndjesinë e ngopjes për më gjatë, duke qenë një zgjedhje ideale për ata që kërkojnë të menaxhojnë peshën trupore.

Kur avokado konsumohet me ushqime të tjera, ndihmon trupin të përthithë më mirë vitaminat që treten në yndyrë, si vitaminat A, D, E dhe K.

Ekspertët rekomandojnë përfshirjen e saj në dieta të balancuara ushqimore, ndërsa theksojnë se avokado është një opsion i shëndetshëm për mëngjes, sallata apo ushqime të lehta gjatë ditës.

Drejtori i Fondit për Sigurim Shëndetësor, Sasho Klekovski tha se aktakuza e ngritur për rastin e keqpërdorimeve në Klinikën e Onkologjisë është mesazh për të gjithë sistemin shëndetësor

 

Klekovski u shpreh se është pozitive që prokuroria ka përgatitur aktakuzë të tillë dhe se ende duhet parë se çfarë përmban ajo.

Përveç rastit të Onkologjisë, ai tha se pret që organet kompetente të veprojnë edhe për rastet e tjera të keqpërdorimeve në disa klinika në vend, për të cilat, siç informoi, Fondi tashmë ka dërguar raporte te organet përkatëse.

“Të gjitha rastet që i hasëm dhe që nuk janë sekret, ato i kemi përfshirë në raportet tona që i dërgojmë në Ministrinë e Shëndetësisë, Ministrinë e Financave dhe në Entin Shtetëror të Revizionit. I paraqesim edhe në MPB, disa prej tyre janë kompletuar nga MPB-ja dhe janë dërguar në Prokurorinë Publike. Aty ka raste shumë të qarta për të cilat nuk nevojitet ekspertizë jashtë vendit dhe nuk nevojitet, nuk e di çfarë përpjekjeje hetimore. Apelojmë vazhdimisht që Prokuroria të veprojë sipas këtyre kallëzimeve penale dhe tani topi është në fushën e Prokurorisë. Për mua ka shumë rëndësi që Prokuroria pati guximin të nisë me rastin për Onkologjinë dhe shpresoj se e ka përgatitur mirë, sepse suksesi i asaj aktakuze është me rëndësi thelbësore për të ardhmen e shëndetësisë në Maqedoni”, tha Sasho Klekovski, drejtor i Fondit Shëndetësor.