Author: arso

Source link

188

Pemët janë një pjesë thelbësore e një diete të shëndetshme, por hulumtimet e reja zbulojnë se ato sjellin edhe më shumë përfitime nga sa mendonim. Studimi i fundit tani lidh konsumin e mangos me përmirësimin e shëndetit të zemrës.

Një studim i botuar në revistën Nutrients ekzaminoi ndikimin e mangos së freskët në proceset inflamatore dhe ndjeshmërinë ndaj insulinës tek të rriturit obezë. Studimi përfshinte 48 persona të moshës 20 deri në 60 vjeç – gjysma e tyre konsumonin dy filxhanë mango në ditë, ndërsa grupi i kontrollit mori një ëmbëlsirë të barabartë me kalori.

Pas katër javësh, grupi që hëngri mango kishte përmirësuar ndjeshmërinë ndaj insulinës, nivele më të ulëta të insulinës dhe funksion më të mirë të qelizave beta të pankreasit, të cilat janë thelbësore për rregullimin e sheqerit në gjak. Ky zbulim sugjeron se konsumimi i rregullt i mangos mund të zvogëlojë rrezikun e zhvillimit të diabetit të tipit 2 dhe kështu të ketë një ndikim pozitiv në shëndetin e zemrës, raporton Best Life.

Mango është plot me antioksidantë që kontribuojnë në kontrollin më të mirë të sheqerit në gjak, shkruan Index.hr.

“Përmirësimi i ndjeshmërisë ndaj insulinës nuk është i rëndësishëm vetëm për kontrollin e sheqerit në gjak, por edhe për parandalimin e diabetit. Hulumtimi ynë tregon se shtimi i mangos në dietën tuaj mund të jetë një mënyrë e thjeshtë dhe e shijshme për të mbështetur shëndetin metabolik”, vuri në dukje udhëheqësi i studimit Indika Edirisinghe, professor i shkencave ushqimore.

Pavarësisht përmbajtjes natyrale të sheqerit, mango nuk shkaktoi shtim në peshë. Për më tepër, ndërsa grupi i kontrollit fitoi pak më shumë peshë, pesha e pjesëmarrësve që hëngrën mango mbeti e pandryshuar.

Shkencëtarët besojnë se arsyeja mund të jetë përmbajtja e lartë e antioksidantëve në mango, e cila kontribuon në kontrollin më të mirë të sheqerit në gjak. “Këto gjetje hedhin poshtë mitin se mangot ju shëndoshin ose janë të dëmshme për diabetin. Përkundrazi, ato mund të jenë një alternativë më e shëndetshme ndaj ushqimeve të tjera të ëmbla”, shton Edirisinghe.

Source link

Shtatë ditë zie nacionale të shpallur nga Qeveria për tragjedinë në Koçan përfundojnë sot, por me intensitet të pazvogëluar dhe të paparë do të vazhdojë hetimi i cili do të jetë i drejtë dhe i hollësishëm, porositën sot në konferencë për shtyp zëdhënëset qeveritare Maria Miteva dhe Venera Latifi-Azizi.

Miteva bëri thirrje të mos spekulohet dhe me narrativa të pavërteta dhe manipuluese të keqpërdoret tragjedia në Koçan sepse, siç tha, ka hetim gjithpërfshirës në të cilin janë përfshirë dhe arrestuar 34 persona dhe ai ende nuk ka përfunduar.

“Duhet të lejojmë organet e ndjekjes ta kryejnë hetimin – në mënyrë të hollësishme dhe të drejtë. Nuk do të donim të lejohet pengim nga rrjete të ndryshme – përmes thirrjeve për destabilizim dhe skenarë të ndryshëm dhe në çfarëdo lloj mënyre ta dëmtojnë këtë proces. Nga kjo të gjithë duhet të dalim më të fuqishëm, me drejtësi të reflektuar. Kjo qeveri u zgjodh për ta ndërprerë rrethin e indiferencës, ta ripërtërijë besimin atje ku ishte humbur dhe të kujdeset që asnjë e ardhme të mos formohet nga gabimet e së kaluarës. Nuk do të prnaojmë arsyetime të cilat tejet shpesh i lanë qytetarët të pambrojtur. Atje ku të tjerët heshtën, ne do të veprojmë. Në këtë moment të pikëlimit, qëndrojmë së bashku me familjet e prekura dhe premtojmë masa urgjente. Angazhimi ynë është i qartë – drejtësi për të prekurit, transparencë në çdo hap dhe reforma urgjente të cilat do të sigurojnë që kjo të mos përsëritet asnjëherë”, theksoi Miteva.

Zëdhënësja Venera Latifi-Azizi tha se ngjarja tragjike “na tronditi të gjithëve duke na bashkaur në dhimbje dhe pikëllim të thellë që i tejkalon fjalët”.

I kumtoi të gjitha hapat e ndërmarrë nga Qeveria për t’i ndihmuar familjet e të lënduarve, shpenzimet që i mbulon, paralajmëroi se prej nesër do të fillojë pagesa e mjeteve për ndihmë nga Kryqi i Kuq dhe se “hetimi do të vazhdojë me intensitet të paparë”. Tregoi edhe për ndihmën nga partnerët ndërkombëtarë dhe solidaritetin i cili, siç tha, nuk njeh kufij.

“Dhe derisa sot është dita e fundit e zisë nacionale, përkushtimi dhe angazhimi i Qeverisë për t’i mbështetur drejtpërdrejtë të prekurit dhe për ta zbuluar të vërtetën për këtë tragjedi do të vazhdojë me intensitet të paparë… Hetimi për këtë ngjarje tragjike vazhdon me përkushtim të plotë dhe angazhim të madh nga të gjitha institucionet përgjegjëse. Qeveria është e vendosur ta zbardhë të vërtetën dhe të kujdeset që të gjithë që janë prëgjegjës të përgjigjen për veprimet e veta. Askush nuk do të mund të fshihet dhe drejtësia do të përmbushet… Në këtë dhimbje të thellë nuk jeni vetëm, shteti do të qëndrojë afër jush – jo vetëm sot, por deri në fund të këtij procesi, në të cilin do të zbardhim literalisht gjithçka”, theksoi Latifi.

Source link

Zëdhënësi i Vladimir Putin e ka përshkruar telefonatën midis presidentit rus dhe homologut të tij amerikan Donald Trump si “konstruktive” dhe “shumë respektuese”.

Dmitry Peskov tha për median shtetërore ruse se thirrja ishte një hap tjetër drejt organizimit të një takimi ballë për ballë mes dy liderëve.

“Një takim i tillë duhet të përgatitet në mënyrë adekuate. Së pari, duhet të zhvillohen bisedime të vështira teknike. Të hënën, negociatorët tanë do të shkojnë në Riad për të filluar këtë proces kompleks,” shton Peskov.

Trump më herët tha se telefonata e tij me Putinin ishte “një shumë e mirë dhe produktive”, me një marrëveshje të arritur për “një armëpushim të menjëhershëm në të gjithë energjinë dhe infrastrukturën”.

Source link

Kryeministri Edi Rama, gjatë një takimi me turoperatorët në Vlorë, ironizoi një premtim të vjetër të Lulzim Bashës për ndërtimin e një trami në Tiranë.

Duke iu përgjigjur kërkesës së një operatori turistik për ndërtimin e një trami në Vlorë, Rama e shfrytëzoi rastin për të thumbuar Bashën.“Për tramin në Vlorë të thashë, do të na duhej Luli.

Ne nuk dimë të bëjmë trame, Luli ka bërë një tram në Tiranë, i cili, siç e kanë parë qytetarët, është shumë i suksesshëm dhe kapërcen gjithë problematikat e trafikut. E kishte planin që ta çonte deri në Durrës, por, për shkak se e zuri gjumi, e la vetëm në Tiranë,” u shpreh Rama me ironi.

Kryeministri shtoi se shpreson që Vlora të mos e kërkojë Lulzim Bashën si kryetar bashkie, duke vijuar ironinë për ish-kreun e Partisë Demokratike dhe projektet e tij të parealizuara.

” Nuk e di sa mund të bashkëpunohet me të, për shkak të tramit, por mos na mërzitet Vlora dhe na kërkon Lulin kryetar bashkie,” tha ai.