Author: arso

Kryetari i PD, Sali Berisha është pyetur gjatë konferencës së sotme me gazetarët në lidhje me kandidatët demokratë që kanë kërkuar rinumërim të votave preferenciale të zgjedhjeve të 11 majit.Berisha u shpreh se nuk ka dijeni se sa kandidatë kanë kërkuar rinumërim, por u shpreh se kushdo që kërkon ta bëjë këtë është i lirë dhe PD nuk do të bllokojë askënd.

Ai theksoi se nëse ka patur njerëz të pandërgjegjshëm ata do të identifikohen dhe ndaj tyre do të mbahet një qëndrim ligjor.

“Farsa elektorale është realitet i pamohueshëm, i padiskutueshëm dhe kjo që thoni ju, 2 3 4 verifikime, parregullsi, këto nuk hedhin asnjë gjë poshtë nga këto që themi.
Sa u përket kandidatëve nuk e di sa kanë kërkuar rinumërim, por cilido që dëshiron është i lirë ta bëjë. Ne nuk bllokojmë asnjë që të bëjë transparencën. Fare. Nëse ka patur njerëz të pandërgjegjshëm ata do identifikohen dhe do mbahet qëndrim ligjor. Padiskutim kjo. Këtu nuk kemi dy standarde, por nuk kemi standardin e Edi Ramës që ndalon transparencën”, tha Berisha.

Source link

Kryetari i Aleancës për Ardhmërinë e Kosovës (AAK), Ramush Haradinaj, ka bërë një deklaratë të ashpër ndaj Lëvizjes Vetëvendosje, e udhëhequr nga Albin Kurti.

Sipas Haradinajt, kushdo që ndihmon në formimin e Qeverisë Kurti III është “argat i Serbisë dhe Rusisë”.

“Sa i përket qeverisë, unë jam i bindur: kushdo që e ndihmon, pra Qeverinë Kurti III, është argat i Serbisë dhe Rusisë. Këtë nuk e ndryshoj. Është serioze”, ka thënë Haradinaj në emisionin Debat Plus.

Haradinaj ka drejtuar gjithashtu akuza ndaj kryeministrit në detyrë, Albin Kurti, lidhur me politikën energjetike të qeverisë dhe vendimin për liberalizimin e tregut të energjisë elektrike, i cili pritet të hyjë në fuqi më 1 qershor.

Haradinaj ka thënë se Kurti ka vepruar për vite me radhë kundër fuqizimit të sektorit energjetik të Kosovës, duke penguar zhvillimin e kapaciteteve të reja prodhuese, fillimisht me qymyr e më pas me gaz.

“Kurti, ose mashtruesi, me dekada ka punuar kundër forcimit të sektorit energjetik të Kosovës, duke pamundësuar ndërtimin e kapaciteteve të reja — dikur ato me qymyr, pastaj ato me gaz. Kurti në vazhdimësi ka punuar për interesa të një grupi të vogël, të atyre që shesin e blejnë energji. Është plotësisht në funksion të tyre.

Dhe së fundmi, Kurti i quan 1 për qind (bizneset), e e patë me çfarë demagogjie po përpiqet sërish ta mashtrojë popullin, duke i thënë një pjese të tij: ‘Mos u mërzitni për këta…’”, ka deklaruar Haradinaj.

Ambasada e Italisë në Prishtinë ka organizuar sonte pritje për personalitete të larta në Kosovë, me rastin e festës kombëtare italiane.

Ambasadori i ri i Italisë, Maurizio Antonini, para të pranishmëve ka thënë se Dita e Republikës së Italisë është një simbol i unitetit kombëtar dhe i demokracisë.

Ai theksoi se Italia mbështet rrugën euro-integruese të Kosovës në Bashkimin Evropian duke përmendur rëndësinë e zgjerimit të BE-së në Ballkan si një strategji kyçe për stabilitetin politik dhe sigurinë e të gjithë kontinentit.

“Për 25 vjetët e fundit, Italia ka mbetur e përkushtuar në mënyrë të qëndrueshme ndaj parimeve të stabilitetit, zhvillimit dhe demokracisë në Kosovë, duke qenë një nga vendet e para që e ka njohur Republikën e Kosovës si një shtet të pavarur dhe sovran. Angazhimi ynë i qëndrueshëm është mishëruar në misionin e KFOR-it, ku stafi ynë ushtarak ka luajtur një rol thelbësor. Kontingjenti italian është më i madhi brenda KFOR-it. Ai është një burim i paçmuar që ka mbështetur Kosovën në përballimin e shumë sfidave gjatë viteve dhe vazhdon ta bëjë këtë me guxim”, ka thënë ai.

Antonini ka shtuar se Italia mbetet e përkushtuar për të vazhduar mbështetjen për integrimin e Kosovës në strukturat euroatlantike dhe mekanizmat e tjerë ndërkombëtarë.

“Është për t’u vlerësuar se si Kosova ka përqafuar vlerat dhe parimet thelbësore të Bashkimit Evropian, siç është dëshmuar ndër të tjera me përputhjen e plotë të saj me politikat e sanksioneve të BE-së kundër Rusisë. Ne dëshirojmë që Kosova të vazhdojë në këtë rrugë të integrimit progresiv në Bashkimin Evropian, pa hezitim dhe pa dyshim, siç është theksuar gjatë vizitës së fundit në Kosovë, të organizuar nga Përfaqësuesja e Lartë, Kaja Kallas”, ka shtuar ndër të tjera Antonini.

The post Ambasadori Antonini: Italia mbështet integrimin e Kosovës në BE dhe në NATO appeared first on KosovaNews.

Source link

Pirateria e librave është kthyer në një fenomen shqetësues për botuesit shqiptarë, të cilët kanë ngritur alarmin për këtë problem që tashmë nuk është vetëm në Shqipëri por edhe në rajon.

Ka qenë botuesi Bujar Hudhri, i cili ka bërë me dije se me fondet e komunës së Tetovës, janë blerë mijëra copë librash të shtypur pa të drejta autori nga shtypshkronja pirate në Tetovë. Hudhri hedh akuza se kryetari i komunës së Tetovës, me disa ceremoni këto libra ua ka dhuruar shkollave të mesme.

Nisur nga kjo situatë, Shoqata e botuesve shqiptarë mbajti një konferencë për mediat.

“Janë shumë faqe që s’kanojnë librat tanë pa të drejta dhe i shesin ato. E kemi këtë shumë shqetësuese piraterinë e formatit elektronik. Janë disa shpi botuese që shesin nëpër librari, libratë tonë të piratura. Çështja është shqetësuese sepse këtu është përfshirë shteti. Është shteti i Maqedonisë së Veriut që ka blerë libra dhe ka dhuruar libra”, tha , Petrit Ymeri, Kryetar i Shoqatës së Botuesve.

Në konferencë u bë me dije se të gjithë titujt janë libra që u janë vjedhur botuesve nga Tirana, përveç dëmit ekonomik, pësojnë edhe dëmin moral, sepse botimet janë shtypur me cilësi të dobët tipografike duke ia prishur imazhin e shtëpive botuese të Shqipërisë.

“Kemi shumë probleme këtu, ku shohim librari apo individë që i shesin  librat gati origjinal. Problemi me Kosovën është problemi më i madh sepse atje ka shumë financime nga shteti i Kosovës për të blerë libra dhe kjo është një mundësi e artë për biznes. Kanë bërë libra piratë në marrëveshje me komunat, dhe që i çojnë drejt e në bibloteka. Te Maqedonia e Veriut, kanë avancu aq shumë sa vetë shteti, vetë kryetari I komunës blenë një mall të vjedhur që janë librat e botuesve shqiptarë 5450 libra. Unë e kam hedh në gjyq kryetarin e Komunës së Tetovës sepse shteti është përfshirë përmes tij”, tha Bujar Hudhri.

Hudhri bëri me dije se janë vjedhur dhe librat e shkrimtarit të madh Ismail Kadaresë, dhe këto libra shkojnë të përgjysmuar në biblioteka ndërsa shton se më këtë fenomen po bëhet biznes.

“Keqardhje e madhe nuk arrin të triumfojë vota e lirë, që ndodh një masakër e madhe elektorale. Nëse do jetë Lindita Metaliaj në parlament nuk është ndonjë çështje e madhe. E rëndësishme do të ishte të fitonin qytetarët, të fitonin ndryshimin dhe të kishte një rotacion të madh politik për t’i sjellë zhvillim të ri Shqipërisë”, thotë Lindita Metaliaj.

“Jeta nuk është vetëm parlament ka plot hapësira të tjera” , thotë Edmond Spaho.

Të tjerë demokratë që u larguan për të krijuar familjet e tyre politike, e shohin si parlamentin e ri produkt të pazarit Rama-Berisha.

Enkelejd Alibeaj, thotë se largohet me kokën lartë.

“E rëndësishme është se si del, dhe unë dal me kokën lartë. Ata që mbeten këtu janë pazarxhinjtë, kështu e gatuan, bashkë e gatuan, ia arritën qëllimit ta pranojnë këtë. Fitoi Rama, fitoi Berisha, humbën shqiptarët, preja e radhës është drejtësia” u shpreh Alibeaj.

Për pazar flet edhe  deputetja Merita Bakiu, ndër të paktat mbështetëse që i mbetën Lulzim Bashës dhe Euroatlantikëve.

“Pakti Rama-Berisha i la demokratët në rrugë”, tha Bakiu

Situata është shumë më ndryshe për Monika Kryemadhin, e cila në këto zgjedhje nuk garoi vetë, por fushatë bëri për ish-bashkëshortin, Ilir Metën që kandidoi nga burgu dhe humbi.

Nuk shoh ndonjë përgjegjësi për humbjen e mandatit të Metës, sepse nuk kam qenë drejtuese e fushatës së tij. Kam qenë një nga personat që kërkonte votë për Ilir Metën. Nuk kam asnjë lloj keqardhje që s’do jem në Parlament, sepse karrigia e Parlamentit nuk është as e Monikës dhe e askujt, por është e lëvizshme dhe vijon të lëvizë.”, përfundoi Kryemadhi.

Source link

Source link