Author: arso

Javën e kaluar Snapchat prezantoi aplikacionin e ri për watchOS ku përdoruesit e Apple Watch mund të aksesojnë rrjetin social në krahun e tyre.

Me këtë aplikacion të ri përdoruesit do të kenë qasje në Snapchat në platformat mobile, në ueb, tablet dhe Apple Watch. Përdoruesit tashmë mund të shohin mesazhet hyrëse dhe gjithashtu të replikojnë duke përdorur tastierën, Scribble, Dictation ose një emoji.

Kompania thotë se me aplikacionin e ri përdoruesit do të mund të bëjnë veprime të shpejta siç është vënia në dijeni e miqve të tyre për takimet që kanë lënë në një restorant ose të dërgojnë një replikë të shpejtë ndërsa janë në lëvizje.

Ndërsa ka qenë e mundur edhe më herët të shikoheshin mesazhet e Snapchat në Apple Watch duke i aktivizuar ato në iPhone, nuk kishte një mënyrë për të kthyer përgjigje.

Ky aplikacion ka për qëllim që përdoruesit të mund të kthejnë përgjigje të shpejta dhe jo të shikojnë përmbajtje si imazhe apo video. Kujtojmë se aplikacionet rivale Messenger dhe WhatsApp nuk kanë një aplikacion të dedikuar watchOS. /PCWorld Albanian

Kombëtarja e Kosovës ka shënuar fitore me rezultat 4-2 ndaj Komoreve në stadiumin ‘Fadil Vokrri’.

Ndeshja nisi me një dominim të lehtë të ‘Dardanëve’ të cilët po qarkullonin topin me kujdes në kërkim të një rasti për të shënuar. 

Sidoqoftë, mysafirët në daljen e vetme të rrezikshme ia dolën të kalojnë në epërsi. 

Po luhej minuta e 12-të kur Komoret ia dolën që të realizojnë për rezultatin 1-0 përmes Said Bakarit që realizoi me kokë.

I shpejtë ishte reagimi i Kosovës, të cilët arritën ta barazojnë rezultatin vetëm shtatë minuta më vonë. 

Autor i golit ishte Albion Rrahmani i cili realizoi një gol të bukur për 1-1 në minutën e 19-të.

Ishte pikërisht Rrahmani ai i cili realizoi në minutën e 59-të për t’i dhënë epërsinë e parë Kosovës në këtë sfidë për 2-1.

Sulmuesi kosovar u kujdes që t’i vë qershinë mbi tortë kësaj paraqitje fantastike kur në minutën e 78-të shënoi për 3-1 duke kompletuar het-trikun.

Vetëm pak minuta më vonë mysafirët ia dolën të gjejnë golin e dytë përmes Rafiki Said që realizoi në minutën e 85-të për 3-2.

Për ta mbyllur dilemën e fituesit u përkujdes Fisnik Asllani i cili në minutën e 91-të realizoi për epilogun përfundimtar 4-2.

Kështu, Kosova mori fitoren e dytë radhazi këtë muaj, pas asaj ndaj Armenisë me rezultat 5-2.

“Jemi gati t’i japim tri votat tona për në Kuvend dhe jo t’i kërkojmë vend në qeveri Kurtit.” Kështu shprehet në një intervistë në Ditarin e Kosovës në A2 CNN kryetari i Partisë Nisma, Fatmir Limaj.

Pas më shumë se 4 muajsh bllokim politik, më në fund duket se kriza mund të ketë një zgjidhje. Sipas Limajt, zgjidhja është te vullneti politik, dhe aspak te Kushtetuta, te Gjykata, apo — aq më pak — te presidentja.

Frika e Limajt shkon përtej partive dhe llogarive meskine të secilës prej tyre, sidomos atyre në opozitë. Llogari, të cilat Kosova nuk ka luksin t’i bëjë, sipas tij, pasi ende është një demokraci e pa rrumbullakosur.

“Ndërkohë që ne merremi me këto llogari, gjeopolitika ndryshon dhe mund të humbasim shumë çështje, në dëm të Kosovës,” thekson Limaj.

Zgjedhjet e jashtëzakonshme ai nuk i sheh si alternativë; madje këtë ide e quan “një shaka” që është bërë te presidentja.

Në një intervistë për Fax News, diplomati Spartak Topollaj hodhi dritë mbi luftën në Ukrainë, duke e cilësuar atë si një akt agresiv të nisur nga Rusia dhe të nxitur nga ambiciet e çmendura të presidentit Vladimir Putin për dominim global.

“Është një luftë agresive, e nisur nga Rusia dhe e vazhduar po me atë ligësi. Të mos harrojmë se për 35 vite Ukraina dhe Rusia kanë qenë pjesë e së njëjtës bashkësi – Bashkimi Sovjetik. Ukraina jo vetëm që ishte një nga republikat socialiste, por edhe ndër më të mëdhatë në sipërfaqe dhe pasuri natyrore,” – u shpreh Topollaj.

Ai rikujtoi politikën e “rusifikimit” që u ndoq nga Stalini ndaj republikave sovjetike, duke e quajtur atë një strategji djallëzore, me pasoja të ndjeshme edhe në ditët e sotme.

“Stalini helmonte kombet përmes rusifikimit të tyre, dhe kjo trashëgimi e errët duket qartë edhe në veprimet aktuale të Kremlinit.”

Në të njëjtën kohë, Topollaj vlerësoi qëndrimin e Presidentit ukrainas Volodymyr Zelensky.

“Nga një aktor komik në politikë, ai ka treguar një dinjitet të jashtëzakonshëm në krye të shtetit. Qëndrimi i tij është për t’u përgëzuar.”- u shpreh Topollaj. k

Diplomati theksoi se përpjekjet për të fajësuar Ukrainën janë të pabaza dhe të manipuluara: “Nuk po lënë gur pa lëvizur për të hedhur fajin mbi Ukrainën. Por në këtë rast, viktimat e vërteta janë ukrainasit.”