Author: arso

Anëtari i Kuvendit të Komunës së Prizrenit nga radhët e Nismës Socialdemokrate, Shukri Quni, ka dhënë dorëheqje nga posti i tij.

Ky veprim i tij vjen si akt moral, pas aksidentit tragjik që ndodhi të shtunën mes fshatrave Grazhdanik dhe Atmaxhë, ku humbi jetën 17 vjeçari, Geltijan Shala, maturant i gjimnazit “Remzi Ademaj”.

Në seancën e sotme të Kuvendit Komunal në Prizren, anëtari i NISMA-s, ishte prekur thellë nga ky rast.

Ai deklaroi se nuk mund të vazhdojë të mbajë pozitën e tij, duke theksuar se kishte kërkuar prej kohësh vendosjen e shenjave të trafikut në atë zonë, por institucionet kishin dështuar të veprojnë.

“Kur fjalët nuk mjaftojnë, veprat flasin. Përgjegjësia institucionale mungoi. Për këtë arsye morale, sot deklaroj dorëheqjen time nga posti i anëtarit të Kuvendit”, tha ai.

Kryetarja e Qytetit të Shkupit, Danella Arsovska, i drejtoi një letër kryeministrit Hristijan Mickoski përpara seancës së Këshillit të Qytetit të Shkupit, ku një nga pikat e rendit të ditës është gjuetia e derrave të egër në Çair.

Në letrën e dërguar Mickoskit, Arsovska thotë se ne kemi parandaluar ndërtimet e paligjshme të Visar Ganiut për më shumë se tre vjet, po kthejmë dokumente dhe po ndërmarrim veprime, askush nuk po reagon institucionalisht.

“Sot, kur rasti i ndërtimeve të paligjshme në Çair, i cili është raportuar në prokurori, do të diskutohet në një seancë të Këshillit të Qytetit të Shkupit, nga e cila në mënyrë të pashmangshme do të hapen të gjitha krimet e tjera, ju pyes publikisht:

1. Cilët nga kriminelët e BDI-së i keni liruar dhe burgosur gjatë gjithë këtij viti ndërsa jeni pushtet absolut në Maqedoni?

2. Cilët nga kriminelët e BDI-së i keni nisur procedurat dhe arrestuar me krime të provuara brenda një viti ndërsa jeni Kryeministër, dhe për të dytin vit keni Ministrin tuaj të Brendshëm?

3. A jeni në dijeni se Ganiu, Mexhiti dhe Ademi kanë qenë në pushtet si zyrtarë të BDI-së për më shumë se 20 vjet?

4. Ne parandaluam legalizimin e paligjshëm të atyre 150 ndërtesave pa leje në Çair dhe raportuam për të njëjtën gjë në vitet 2023, 2024 dhe 2025, një kohë kur Visar Ganiu fillimisht ishte BDI e pastaj u bë VLEN”, thuhet në letrën e Arsovskës.

Arsovska gjithashtu i thotë Mickoskit se nëse nuk ndërmerrni veprime pavarësisht provave të krimit të ndërtimit të paligjshëm, atëherë jeni bashkëpunëtor i falsifikimeve dhe nuk ka justifikime të tjera! Dhe unë kam shumë prova, nuk ju frikësohem dhe nuk tërhiqem.

Source link

Source link

Këngëtarja e njohur shqiptare, Leonora Jakupi, është bërë sërish pjesë e lajmeve rozë, këtë herë për një investim të rëndësishëm në jetën e saj private.

Sipas Prive artistja ka blerë një shtëpi të re në Prishtinë me vlerë rreth 600 mijë euro.

Bëhet fjalë për një rezidencë moderne dhe luksoze, që ndodhet në një nga zonat më të kërkuara të kryeqytetit. Shtëpia thuhet se ka hapësira të mëdha dhe është e ndërtuar me standarde të larta, duke reflektuar shijen elegante dhe stilin e veçantë të Leonorës.

Megjithëse vetë këngëtarja nuk ka bërë ndonjë reagim publik për këtë blerje, ajo vazhdon të jëtë mjaftë e rezervuar në rrjete sociale.

Në total, në bashkinë e Kavajës Ilir Meta ka marrë vetëm 113 vota. Në vitin 2021 partia e tij, në atë kohë Lëvizja Socialiste për Integrim kishte 1118 vota në Bashkinë Kavajë, pra një rënie me mbi 90%. Në qytet (Kavajë) kreu i Partisë së Lirisë ka marrë gjithsej 73 vota, njësinë administrative të Golemit vetëm 26 vota, në Helmes 5, Luz i Vogël 7 dhe Synej vetëm 2 vota.

Rezultati i Ilir Metës në Kavajë

Kavajë 73 vota

Golem 26 vota

Luz i Vogël 7 vota

Helmes 5 vota

Synej 2 vota

Me këtë rezultat, kreu i PL renditet i nënti mes 37 kandidatëve të aleancës, ndërsa është lënë me diferencë shumë të madhe pas nga 3 më të votuarit e kësaj bashkie Elton Roshi, që në total numëron 2815 vota, Arnold Kariqi 2133 dhe Loranca Hoxha 1841 vota.

Elton Rroshi      2815

Arnold Kariqi      2133

Loranca Hoxha   1841

Dyshimi i Metës mund të jetë për një tradhti të komisionerëve opozitarë, që potencialisht të kenë çuar votat e tij drejt këtyre kandidatëve më të votuar, apo drejt të tjerëve të listës së hapur. Për këtë arsye, Partia e Lirisë i ka kërkuar Komisionit Qendror të Zgjedhjeve edhe pamje filmike të numërimit të votave preferenciale në këtë bashki.

Bashkë me Metën dyshimin se brenda partisë iu vodhën vota e kanë ngritur edhe disa kandidatë demokratë, duke nisur nga Ilir Alimehmeti, Mimoza Hajdarmataj, Lisandër Hoxha apo Aulon Kalaja e Ilirjana Kuçana. Një pjesë e tyre, pasi u rrëzuan nga KAS, me argumentin se ri-numërimi kërkohet vetëm nëpërmjet Partisë, tashmë e kanë zhvendosur betejën në Kolegjin Zgjedhor.

4

Aktori Jonathan Joss, i cili njihet për role të rëndësishme në “King of the Hill” dhe “Parks and Recreation”, ka vdekur.

Ai u vra të dielën nga të shtënat me armë në San Antonio para shtëpisë.

Policia nuk zbuloi detaje rreth asaj që çoi në të shtëna, por deklaroi se e kanë arrestuar të dyshuarin.

Ikona e aktrimit ishte 59 vjeç.

Kryeministri në detyrë i Republikës së Kosovës, Albin Kurti, priti në takim ish-deputetin e Bundestagut gjerman dhe ish-kryetarin e komisionit për Punë të Jashtme, Michael Roth.

Kurti shprehu mirënjohjen ndaj tij, si mik i vendit tonë dhe mbështetës i Kosovës.

Biseduan rreth marrëdhënieve mes dy vendeve tona dhe thellimit të bashkëpunimit. Tema të diskutimit ishin edhe zhvillimet në rajon dhe Evropë, si dhe aktualiteti politik në vend.

Kryeministri Kurti e falënderoi Roth-in për takimin dhe bisedat përherë të frytshme së bashku.