Theu tabu/ Ja si duket sot Noçja e “Big Brother 1”

Kush e ka ndjekur televizionin në vitin 2008, e mban mend patjetër një nga personazhet më ikonikë dhe të guximshëm të ekranit shqiptar: Najada Konomi, apo siç e njohën të gjithë, “Noçja” e edicionit të parë të Big Brother.

Me stilin e saj unik dhe atë tatuazhin e famshëm të shqiponjës në gjoks, vajza nga Korça theu jo pak tabu për kohën. Ajo u bë kryefjala e mediave jo vetëm për natyrën e saj rebele, por edhe për romancën me banorin tjetër, Olsin.

Lidhja e tyre dhe veçanërisht ndarja e bujshme, mbetet një nga momentet me shikueshmërinë më të lartë në historinë e formateve “reality” në Shqipëri.

Por ku është dhe me çfarë merret sot Najada?

Vitet kanë kaluar dhe jeta e “Noçes” ka marrë një drejtim krejtësisht të ri dhe shumë më të qetë, larg zhurmës së kamerave. Ajo është zhvendosur për të jetuar në Itali krah partnerit të saj, Fationit.

Prej rreth 2 vitesh, jeta e saj ka marrë edhe më shumë kuptim pasi është bërë nënë e një vajze të vogël.

Siç shihet edhe nga fotot e saj të tanishme, Najada ka ruajtur shpirtin e saj kreativ, duke iu përkushtuar plotësisht botës së ngjyrave dhe pikturës.

Ndonëse stili i saj i jetesës ka ndryshuar rrënjësisht, tiparet dalluese dhe buzëqeshja e saj mbeten po të njëjtat, duke sjellë shumë nostalgji për publikun që e ndoqi dhe e mbështeti vite më parë