Miku i saj për Monika Lubonjën: “Është në gjendje të r*nduar, por dua të dini diçka për të që do iu befasojë” – Lajme Big Brother Vip
Meridian Ramçaj ka folur për situatën që po kalon Monika Lubonja, emri i së cilës është përfshirë ditët e fundit në diskutimet që kanë shpërthyer në rrjet pas publikimit të videove private.
Ramçaj, i cili njihet si mik i aktores, tregoi se ka komunikuar personalisht me të dhe se situata e krijuar, por veçanërisht komentet e shumta në rrjetet sociale, kanë ndikuar ndjeshëm në gjendjen e saj.
“Unë kam folur me Monikën, gjendja e saj është e rënduar totalisht, psikologjikisht, emocionalisht. Normalisht të vrasin fjalët e publikut”, u shpreh ai.
Sipas Meridianit, një nga problemet kryesore në raste të tilla është shpejtësia me të cilën publiku arrin në përfundime, edhe kur ende nuk janë sqaruar të gjitha rrethanat.
“Ne jemi një popull që alfabetin e kemi A dhe ZH, nuk kemi ABC, nuk i marrim fare shkronjat me radhë, por duam të kalojmë direkt te ZH-ja. Pra, ne shikojmë një puzzle, pa i parë fare copat dhe themi se kjo është”, deklaroi Ramçaj.
Por ai tregoi edhe një detaj nga biseda me Lubonjën. Sipas tij, pavarësisht gjendjes së rënduar emocionale, aktorja vijon të interesohet për njerëzit e tjerë dhe problemet e tyre.
“Edhe në këtë gjendje që është Monika, ajo prapë pyet për të tjerët, shqetësohet për të tjerët. Kjo është diçka që ndoshta njerëzit nuk e dinë për të”, tha Ramçaj, duke evidentuar anën e saj që, sipas tij, publiku nuk e njeh gjithmonë.
Ai shtoi se gjatë komunikimit të tyre nuk kishte dashur ta pyeste në detaje për atë që kishte ndodhur, por kishte konstatuar gjendjen e saj emocionale.
“Unë nuk e kam pyetur, vetëm e pashë që nga ana emocionale ishte shumë e rënduar kur dola unë para dy ditësh, sepse po i thosha që nuk ke bërë asgjë që nuk kanë bërë të tjerët. Nuk ka asgjë për t’u shqetësuar”, tregoi ai.
Ramçaj foli gjithashtu për nevojën që personat e prekur nga publikimi i materialeve private t’u drejtohen institucioneve dhe të bëjnë denoncimet përkatëse.
“Unë mendoj që ata duhet të marrin guximin, të shkojnë të bëjnë denoncimin. Normalisht duhet ta kishin bërë një denoncim”, u shpreh ai.
Ai përmendi edhe nevojën për mbështetje institucionale, duke thënë se, sipas tij, në situata të tilla duhet të jenë të pranishme edhe shërbimet sociale.
