Si mbyllet muaji shtator? Astrologia bën parashikimin e Horoskopit për 12 shenjat: Ka lajme të bujshme per keto shenja – Lajme Big Brother Vip

Astrologia Antigona Kotorri, ka bërë parashikimin e Horoskopit për 12 shenjat e zodiakut në “Mes’dritë” në Vizion Plus, me moderatoren Alma Çelaj.

Antigona u ndalu te ndikimi i Hënës së Plotë, lëvizja e Marsit dhe planetet retrogradë.

Çfarë sjell periudha e re astrologjike?Sipas astrologes, sezoni i Peshoreve ka nisur zyrtarisht dhe vendos në fokus balancën, harmoninë dhe diplomacinë në marrëdhënie. Ndërkohë, Hëna e Plotë në Dash, rreth datave 26–27 shtator, shënoi përmbylljen e një cikli dyvjeçar.

Një tjetër ndryshim i rëndësishëm është kalimi i Marsit nga Gaforrja në Luan, duke sjellë më shumë energji, guxim dhe vullnet për të vepruar. Aktualisht, sipas parashikimit të astrologes, pesë planete janë retrogradë, ndërsa në tetor edhe Venusi do t’u bashkohet, duke rikthyer në vëmendje çështje dhe marrëdhënie nga e kaluara.

DashiDashi ka përjetuar Hënën e Plotë në fushën e vetvetes. Sipas astrologes, përfaqësuesit e kësaj shenje mund të ndihen të lodhur nga investimi i tepërt te të tjerët dhe përpjekja për t’u përshtatur me nevojat e tyre.

Si shenjë e nismave të reja, Dashi shpesh i fillon gjërat, por mund t’i lërë në gjysmë, ndaj një partner mbështetës është i rëndësishëm. Vullneti rikthehet nëse merren vendimet e duhura për të përmbyllur proceset e nisura që nga mesi i marsit.

Me Saturnin dhe Neptunin retrogradë në shenjë, ndërsa Marsi hyn në fushën e romanticizmit, tetori mund të sjellë rikthimin e dashurive të vjetra ose nisjen e një romance të re. Për disa përfaqësues parashikohen edhe shtatzëni dhe lajme të bujshme.

DemiDemat, të njohur për qëndrueshmërinë, komoditetin dhe këmbënguljen e tyre, sipas astrologes kanë lënë pas një periudhë të vështirë shtatëvjeçare me Uranin në shenjë.

Kjo periudhë ka sjellë ndryshime në punë, vendbanim dhe marrëdhënie, ndërsa tani Demi hyn në një fazë më të qetë. Hëna e Plotë në fushën e nënvetëdijes mund të ketë nxjerrë në pah sekrete të fshehura.

Marsi do t’i nxisë të marrin përgjegjësi për sigurinë e mjedisit ku jetojnë. Me Jupiterin në fushën e financave dhe pasurisë personale, periudha konsiderohet e favorshme për investime në patundshmëri për strehim vetjak, si dhe për të marrë borxhe të prapambetura.

BinjakëtBinjakët, shenja e komunikimit dhe medias, kanë aftësinë të merren me disa punë njëkohësisht. Sipas Kotorrit, së fundmi mund të kenë përjetuar zhgënjim nga rrethi shoqëror, pasi nuk kanë marrë mbështetjen që prisnin.

Hëna e Plotë sjell një mësim të rëndësishëm: vlerësimi dhe validimi nuk duhet të kërkohen vetëm nga jashtë, por duhet të vijnë edhe nga vetë individi, duke mbajtur premtimet që i ka bërë vetes.

Hyrja e Marsit në fushën e marrëdhënieve të përditshme dhe të afërmve do t’u japë energji për të riparuar lidhjet e lëna pas dore.

GaforrjaGaforret janë intuitive dhe të prirura të kujdesen për të tjerët. Hëna e Plotë ka prekur fushën e karrierës dhe pozicionit të tyre shoqëror.

Këshilla për këtë shenjë është të marrë iniciativën, të shprehë hapur mendimet dhe të zërë vendin që i takon, pa pritur që titujt apo vlerësimi t’i vijnë nga të tjerët.

Hyrja e Marsit dhe prania e Jupiterit në fushën e financave mund të sjellin konfirmime të shumëpritura në karrierë dhe përmirësim të të ardhurave materiale.

LuaniLuanët kanë kaluar një periudhë me dyshime mbi besimet e tyre, ndërsa disa ngjarje të nisura në fillim të vitit u kanë treguar se ku qëndrojnë vlerat e tyre të vërteta.

Përpara tyre mund të shfaqen mundësi të reja për bashkëpunime biznesi nga jashtë, njohje me persona nga kultura të tjera apo oferta pune ndërkombëtare.

Marsi hyn në shenjën e Luanit, ndërsa Jupiteri mbetet një ndikim i rëndësishëm për këtë vit. Sipas astrologes, kjo është një periudhë për të mos hezituar në investime, udhëtime apo vendime të rëndësishme, përfshirë edhe martesën.

VirgjëreshaVirgjëreshat ndodhen në një prag transformimi të thellë. Hëna e Plotë ka ndodhur në fushën e tetë, që lidhet me financat e përbashkëta, kreditë, jetën intime dhe transformimin personal.

Si shenjë analitike, Virgjëreshat kanë dalluar gënjeshtra dhe manipulime të të tjerëve dhe mund të ndiejnë nevojën për të lënë pas të shkuarën dhe për të rindërtuar veten.

Hyrja e Marsit në fushën e të fshehtave mund t’i shtyjë drejt vendimeve personale që mund të sjellin ndryshime të rëndësishme në jetën e tyre.

PeshorjaMe nisjen e muajit të tyre, Peshoret po kalojnë një periudhë reflektimi mbi marrëveshjet, kontratat dhe raportet afatgjata, përfshirë martesën.

Hëna e Plotë u ka treguar se nuk mund të jetojnë vetëm për partnerin, duke harruar nevojat e tyre. Në përpjekje për të ruajtur ekuilibrin për të gjithë, mund të mbingarkohen emocionalisht dhe fizikisht.

Marsi do të vendoset në fushën e shoqërisë dhe rrjeteve sociale, duke u hapur mundësi për t’u marrë më shumë me miqtë, grupet shoqërore dhe mjedisin publik.

AkrepiAkrepat mund të ndihen të lodhur fizikisht pasi janë përpjekur t’u dëshmojnë familjarëve dhe njerëzve të afërt se janë të gatshëm të ndihmojnë dhe të sakrifikojnë.

Hëna e Plotë ka prekur fushën e shëndetit, ndaj këshilla është t’i kushtojnë më shumë vëmendje ushqimit, qetësisë mendore dhe pushimit, pa marrë përsipër përgjegjësi të tepërta.

Marsi kalon në fushën e karrierës dhe mund t’u japë shtysë për të avancuar në detyrë ose për të marrë përsipër përgjegjësi të reja drejtuese.

ShigjetariShigjetarët kanë kaluar sprova në fushën e dashurisë. Si dashamirës të mëdhenj të lirisë, mund të jenë përballur me përpjekje për kontroll nga partnerët, ndërsa Hëna e Plotë i ka shtyrë të vendosin kufij më të qartë.

Marsi hyn në fushën e udhëtimeve dhe dijes. Përfaqësuesit e kësaj shenje mund të ndiejnë nevojën për të lëvizur, për të udhëtuar fizikisht ose përmes dijes, dokumentarëve dhe eksperiencave të reja.

Kjo periudhë synon të ndihmojë në rikthimin e besimit te vetja dhe në zgjerimin e horizonteve personale.

BricjapiBricjapët kanë ndier lëkundje në themelet e tyre financiare dhe familjare, të lidhura me situata të bazuara mbi të pavërteta ose fajësime të padrejta.

Sipas astrologes, duhet të kuptojnë se siguria e tyre buron nga brenda dhe jo nga opinionet e të tjerëve.

Marsi sjell transformime dhe mundësi që lidhen me investimet e partnerit, çështjet e trashëgimisë familjare ose zgjidhjen e problemeve të pronësisë së shtëpisë. Një fokus i veçantë duhet t’i kushtohet mbrojtjes dhe sigurisë së njerëzve të afërt me të cilët jetojnë.

UjoriUjorët konsiderohen përfaqësues të së ardhmes, megjithëse shpesh mund të jetë e vështirë për të tjerët t’i kuptojnë plotësisht.

Hëna e Plotë ka prekur fushën e marrëdhënieve me të afërmit dhe miqtë e përditshëm. Kjo shenjë mund të ketë përjetuar zhgënjim pasi këshillat dhe investimi i bërë gjatë gjashtë muajve të fundit nuk janë dëgjuar.

Marsi hyn në fushën e marrëveshjeve, duke sjellë mundësi për kontrata të reja dhe lidhje afatgjata. Ndërkohë, prania e Plutonit në shenjë kërkon një transformim rrënjësor dhe gjithëpërfshirës.

PeshqitPeshqit udhëhiqen nga intuita dhe bota e tyre artistike, ku idetë dhe përkushtimi nuk maten gjithmonë lehtësisht në vlerë monetare.

Së fundmi kanë përjetuar një disbalancë mes punës për përfitim financiar dhe punës që bëjnë nga pasioni. Me kalimin e Marsit në fushën e financave konkrete, sipas astrologes ka ardhur koha që Peshqit të përcaktojnë qartë vlerën e punës së tyre.

Këshilla për këtë shenjë është të kërkojë vlerësimin që i takon dhe të mos hezitojë të vendosë çmimin e duhur për punën dhe përkushtimin e saj.