Pas deklaratave për testin e ADN-së, Arnoldi bën lëvizjen e papritur

Vetëm pak ditë pasi Katerina foli publikisht për raportin me Arnoldin dhe çështjen e testit të ADN-së, mes dyshes duket se ka një afrim të ri.

Katerina dhe Arnoldi kanë nisur ta ndjekin sërish njëri-tjetrin në rrjetet sociale, pas një periudhe gjatë së cilës raporti mes tyre kishte qenë i tensionuar dhe komunikimi ishte ndërprerë.

Por ky nuk është i vetmi detaj që ka tërhequr vëmendjen.

Arnoldi ka publikuar një video të realizuar me inteligjencë artificiale, ku ai dhe Katerina shfaqen së bashku duke kënduar. Postimin e ka shoqëruar me një mbishkrim që lidhet drejtpërdrejt me çështjen që ka shoqëruar publikisht raportin e tyre: “Mbas testit të ADN-së”.

Lëvizjet e fundit vijnë pas intervistës së Katerinës në “Prive By Liberta Spahiu”, ku ajo tregoi se komunikimi mes tyre kishte rifilluar.

“Kemi nisur kontaktet”, deklaroi ajo, duke mos e përjashtuar as mundësinë që raportit me Arnoldin t’i jepej një tjetër mundësi.

Në të njëjtën intervistë, Katerina tregoi se Arnoldi e kishte zhbllokuar dhe e kishte telefonuar për të diskutuar pikërisht për testin e ADN-së, të cilin ai e kishte kërkuar më herët. Sipas saj, në momentin e intervistës testi ende nuk ishte realizuar.

Tashmë, rikthimi i “follow”-it dhe postimi i Arnoldit kanë shtuar pikëpyetjet nëse mes tyre po krijohen kushtet për një afrim të mëtejshëm.

Megjithatë, deri tani Katerina dhe Arnoldi nuk kanë deklaruar se janë rikthyer si çift, ndërsa mbishkrimi “Mbas testit të ADN-së” nuk konfirmon në vetvete se testi është kryer.