Xheneta Fetahu ka reaguar publikisht pas disa thashethemeve që kanë qarkulluar së fundmi në rrjet lidhur me gjendjen e saj shëndetësore. Përmes një postimi në Instagram, ajo ka hedhur poshtë kategorikisht pretendimet, duke siguruar ndjekësit se është mirë.
“Jam shumë mirë, e shëndetshme dhe e lumtur. Thashethemet që po qarkullojnë për shëndetin tim janë 100% të rreme”, shkroi Xheneta.
Ajo shprehu gjithashtu pakënaqësinë për faktin që shëndeti i një personi mund të kthehet në objekt spekulimesh, veçanërisht kur informacionet nuk janë të konfirmuara.
“Është e trishtueshme që disa njerëz zgjedhin ta bëjnë shëndetin e dikujt tjetër temë bisede dhe të përhapin informacione të pavërteta”, vijoi ajo.
Xheneta u kërkoi atyre që kanë përhapur këto pretendime të ndalojnë spekulimet, duke ritheksuar se nuk ka asnjë problem me shëndetin e saj. “Merruni me jetën tuaj, e imja është më se në rregull”, shkroi ajo.
Në fund, ish-banorja paralajmëroi edhe marrjen e masave ndaj personave që, sipas saj, qëndrojnë pas informacioneve të rreme: “Sa për ata që po i përhapin këto gënjeshtra, do të merren masat e duhura”.
Xheneta nuk dha detaje mbi natyrën e thashethemeve që kanë qarkulluar, por me reagimin e saj bëri të qartë se i mohon ato dhe kërkon që të mos spekulohet më rreth shëndetit të saj.
