Top Channel ende pa njoftim zyrtar: A do të jetë Arbër Hajdari pjesë e sezonit të gjashtë? – Lajme Big Brother Vip

“Big Brother VIP Albania 6” nuk ka bërë ende startin e tij, ndonëse prej kohësh flitet për risitë dhe transformimet e mundshme që do të sjellë ky edicion.

Shumë ndjekës po pyesin nëse Arbër Hajdari do të vazhdojë të jetë pjesë e panelit të opinionistëve në edicionin e ardhshëm të spektaklit.

Thashethemet që po përhapen gjerësisht në mediat sociale sugjerojnë se ai mund të mos jetë i pranishëm në sezonin e gjashtë, duke u shkëputur përkohësisht nga ky format. Gjithsesi, institucioni i Top Channel nuk ka dalë ende me një deklaratë zyrtare, ndaj edhe formacioni përfundimtar i panelit vijon të mbetet një mister.

Përgjatë sezoneve të kaluara, Arbër Hajdari ka qenë një nga prania më konstante si opinionist në “Big Brother VIP Albania”. Në sezonin e pestë, ai ishte krahu i djathtë i Monika Kryemadhit, dyshe e cila ishte prezente deri në mbrëmjen finale të 18 prillit.

Përtej kësaj, emri i Alketa Vejsiut ka qenë shpesh pjesë e aludimeve gjatë gushtit, ku u përfol për mundësinë që ajo t’i bashkohet panelit, qoftë si opinioniste e tretë apo duke zënë një vend në karriget kryesore.

Ndërkohë, ende nuk ka detaje mbi listën e banorëve apo datën zyrtare të startit, pasi produksioni nuk ka ndarë ende njoftime përfundimtare për këtë sezon.

Për sa i përket prezantimit, pasiguria është më e vogël, pasi në finalen e BBVA 5, Ledion Liço konfirmoi rikthimin e tij për vitin pasardhës me fjalët: “Po, do të jem vitin që vjen, shihemi”.

Tani mbetet të vërtetohet nëse risia kryesore e këtij edicioni do të jetë ndryshimi në panel dhe nëse, pas shumë kohësh, Arbër Hajdari do të heqë dorë nga detyra e opinionistit.