Prokuroria kërkon arrestimin, Joz Marku e quan lajm të rremë: Ishte gjithçka inskenim – Lajme Big Brother Vip

Për herë të parë që nga momenti kur pamjet e incidentit me Edi Kuçin bënë bujë në media, Joz Marku ka vendosur të thyejë heshtjen.

Këngëtari ka befasuar me qëndrimin e tij, duke u shprehur se situata e transmetuar nuk ishte aspak një përplasje e vërtetë, por një inskenim mes tyre.

“Asgjë s’ka ndodhur, jemi aktorë, e kemi bërë vetë!”, u shpreh këngëtari, duke sugjeruar se e gjithë përballja me Edin ishte planifikuar paraprakisht.

Lidhur me lajmet që qarkullojnë për një procedim penal nga ana e Prokurorisë Themelore në Pejë dhe pretendimet për një urdhër-arresti ndaj tij, Jozi u shpreh prerë: “Lajmet për urdhër-arrest janë fake, nuk kam arsye të jem atje”.

Për më tepër, ai ka adresuar edhe zërat rreth nisjes së një hetimi nga Prokuroria Themelore në Pejë, pas pretendimeve se ishte lëshuar urdhër për ndalimin e tij.

Ky informacion u mbështet edhe nga Shkodran Nikçi, zëdhënësi i kësaj Prokurorie, i cili konfirmoi nisjen e procedurave dhe kërkesën për ndalimin e këngëtarit.

Pamjet e regjistruara gjatë këtyre ditëve dëshmojnë momentet e tensionuara mes dy protagonistëve, ku përballja verbale kaloi në përdorim të forcës fizike, ndërsa Jozi kërkonte llogari për fjalët e thëna më parë nga Edi.

Ndërkohë, mbetet ende enigmë nëse deklarata e Jozit për një “aktrim” është një shpjegim i vërtetë apo thjesht një formë ironie për të zbutur situatën.

Për më tepër, mohimi i tij për procedurat ligjore bie në kundërshtim të plotë me njoftimet zyrtare të Prokurorisë së Pejës të publikuara nga media.