Prej disa ditësh, mungesa e daljeve të përbashkëta të Klodit dhe Elijonës ka ngritur pikëpyetje në rrjet për raportin e tyre. Dyshimet u shtuan pasi dyshja, ndryshe nga më parë, nuk është parë së bashku së fundmi.
Mes këtyre aludimeve, një përgjigje ka ardhur nga Olti Curri. Ai ka publikuar një fotografi me Klodin, të realizuar gjatë eventit të fundit të Maison de Parfum Tirana dhe Amouage në jug të Shqipërisë, ku Elijona nuk ishte e pranishme.
Krahas fotos, Olti shkroi: “Elijona dhe Klodi janë bashkë si @amouageofficial me @maisondenparfum_tirana dhe @prodanialda”.
Postimi është pëlqyer edhe nga vetë Klodi, një detaj që është interpretuar si miratim i asaj që Olti ka shkruar për marrëdhënien e tyre.
Në këtë mënyrë, të paktën për momentin, nuk ka asnjë konfirmim për një ndarje. Përkundrazi, reagimi i Oltit dhe pëlqimi i Klodit tregojnë se dyshja vazhdon të jetë bashkë.
Klodi dhe Elijona e nisën historinë e tyre gjatë eksperiencës në “Big Brother VIP Kosova” dhe raporti mes tyre ka vazhduar të ndiqet edhe pas përfundimit të formatit.
Mungesa e disa daljeve të përbashkëta kishte mjaftuar për të ngritur pikëpyetje mes ndjekësve, por deri tani as Klodi dhe as Elijona nuk kanë njoftuar ndonjë ndryshim në marrëdhënien e tyre.
