Selin Bollati dhe partneri i saj, DJ Gimbo, kanë kaluar së fundmi disa ditë pushimi së bashku, ndërsa një prej momenteve të tyre është kthyer në batutë në rrjetet sociale.
Fituesja e “Big Brother VIP Albania 5” ka ripostuar në InstaStory një video humoristike që lidhet me fotografitë që partnerët u bëjnë njëri-tjetrit gjatë pushimeve.
Në pamjet e ndara prej saj shfaqet ideja se vajzat përpiqen të realizojnë foto të kuruara për partnerët, ndërsa kur rolet ndërrohen rezultati nuk është gjithmonë ai që presin.
Selin e ka shoqëruar postimin me mbishkrimin “Based on true story”, duke lënë të kuptohet se edhe ajo ka kaluar një situatë të ngjashme me Gimbon dhe se fotografitë që ai i ka realizuar nuk kanë dalë ashtu siç priste.
Postimi është bërë në formë humori dhe nuk lidhet me ndonjë problem mes çiftit. Përkundrazi, dyshja vazhdon të ndajë herë pas here momente nga marrëdhënia e tyre, e cila nisi gjatë eksperiencës së përbashkët në “Big Brother VIP Albania 5”.
Pas përfundimit të formatit, Selin dhe Gimbo e kanë vazhduar lidhjen edhe jashtë shtëpisë, ndërsa së fundmi kanë shijuar edhe disa ditë pushimi së bashku.
