Greta Kazazi rrëfen momentin më të vështirë në Big Brother: Doja të dorëzohesha

1

Greta Kazazi në emisionin “Prime Vera” ka rrëfyer momentin më të vështirë që ka përjetuar gjatë qëndrimit të saj në Big Brother, duke treguar se ka pasur momente kur ka menduar të heqë dorë nga loja.

E pyetur se cili ka qenë momenti kur është ndier më e rënduar dhe ka tentuar të dorëzohej, Greta u shpreh se disa situata brenda shtëpisë nuk janë zhvilluar ashtu siç ajo i kishte përjetuar.

“Ka pasur gjëra të cilat nuk janë zhvilluar në Big Brother si duhet, në momente kur unë thosha gjëra të tjera dhe u shfaqeshin para publikut gjëra të tjera. Kur ndodhin këto gjëra, doja të dorëzohesha dhe të mos e vazhdoja më lojën, por ja që ia dola ta çoja deri në fund”, tha Greta Kazazi në Kanal10.

Deklarata e saj tregon se presioni dhe mënyra se si situatat e përjetuara brenda shtëpisë përcilleshin te publiku kanë qenë ndër momentet më të vështira për të. Pavarësisht këtyre vështirësive, Greta zgjodhi të vazhdonte rrugëtimin e saj deri në fund