Dedikim prekës nga fituesja e Big Brother VIP Albania 5: Selin Bollati uron DJ Gimbon për ditëlindje – Lajme Big Brother Vip

Për të shënuar ditëlindjen e partnerit të saj, DJ Gimbo, Selin Bollati ka ndarë një mesazh mjaft emocionues dhe të gjatë në profilet e saj në rrjetet sociale. Fituesja e “Big Brother VIP Albania 5” zgjodhi të ndante me ndjekësit një imazh të përbashkët të shkrepur gjatë kohës së qëndrimit në reality show, shoqëruar nga fjalë mjaft të ndjera dedikuar partnerit.

“Sapo e kuptova se gjithçka mori kuptim.

Kuptova sa thellë më do Zoti, sepse mes gjithë shpirtrave në këtë botë, Ai zgjodhi të të sillte ty tek unë. Bekimi im më i madh, vendi im më i sigurt dhe kujtesa më e ëmbël se sa me fat jam vërtet. Gëzuar ditëlindjen dashurisë sime, mikut tim më të mirë dhe numrit tim 11 me fat përgjithmonë… Të dua!”, shkroi Selin.

Lidhja mes dyshes zë fill pikërisht brenda mjediseve të “Big Brother VIP Albania 5”, ku shkëndijat e para të njohjes u transformuan hap pas hapi në një histori dashurie.

Që pas mbylljes së këtij formati televiziv, ata kanë vazhduar ta kultivojnë marrëdhënien e tyre edhe larg vëmendjes së kamerave, duke u bërë pjesë e përbashkët e eventeve të ndryshme dhe postimeve në internet.

Ky postim i fundit dëshmon qartë se romanca e tyre mbetet ende shumë aktive, ndërkohë që urimi i Selinit ka marrë vëmendjen dhe komentet e shumta të mbështetësve të çiftit.