Moti për të neser: Termometri zbret disa gradë, ja ku priten shtrëngata shiu – Lajme Big Brother Vip

Për sa i përket ditës së enjte, Shqipëria do të mbizotërohet nga një situatë meteorologjike stabile. Qielli do të jetë kryesisht i pastër, me vranësira të herëpashershme të cilat do të jenë më të shfaqura në zonat jugore dhe lindore të vendit.

Për sa i përket mundësisë për reshje shiu, ato do të jenë të karakterit lokal dhe me fuqi të dobët në pjesën më të madhe të territorit shqiptar. Megjithatë, në rajonet veriore dhe lindore, ekziston mundësia e shtrëngatave të izoluara, kryesisht të përqendruara përgjatë zonave malore dhe kodrinore. Ndërkohë, termometri do të shënojë një rënie modeste, duke zbritur me rreth 2 deri në 3 gradë celsius.

Vlerat maksimale për nesër parashikohen të jenë 39 gradë celsius, ndërsa vlerat më të ulëta do të zbresin në 18 gradë celsius.

Për sa i përket erës, ajo do të fryjë nga kuadranti veriperëndim-verilindje, me një shpejtësi që do të jetë rreth 6 m/s, ndërsa përgjatë luginave dhe brigjeve detare, intensiteti i saj pritet të rritet deri në 14 m/s.