Gjesti është shfaqur me një pamje ndryshe nga ajo me të cilën publiku ishte mësuar ta shihte gjatë dhe pas “Big Brother VIP Albania 4”.
Fituesi i edicionit të katërt ka vendosur të ndryshojë modelin e flokëve, duke lënë pas prerjen e shkurtër që e ka karakterizuar prej kohësh. Në pamjet e fundit, ai shfaqet me flokë dukshëm më të gjatë në pjesën e pasme dhe anësore, ndërsa ka ruajtur më të shkurtër zonën rreth veshëve.
Modeli i afrohet stilit të njohur si “modern mullet”, një prerje që vitet e fundit është rikthyer në modë në variante të ndryshme, veçanërisht te të rinjtë.
Ndryshimi është vënë re pasi në rrjet qarkulluan pamje të reja të këngëtarit, ku modeli i flokëve bie menjëherë në sy. Krahasuar me paraqitjet e mëparshme, kur Gjesti mbante flokë të shkurtër dhe një stil më të thjeshtë, këtë herë ai ka zgjedhur një pamje krejt tjetër.
Gjesti nuk ka bërë ndonjë koment të veçantë për ndryshimin, por pamjet e fundit kanë mjaftuar që look-u i tij i ri të tërheqë vëmendjen e ndjekësve.
