Top Channel ka siguruar të drejtat ekskluzive të transmetimit të UEFA Champions League për sezonin 2026-2027, duke rikthyer në ekranin e tij kompeticionin më prestigjioz të futbollit europian.
Lajmi është bërë i ditur edhe nga Sara Hoxha, e cila ka ndarë në InstaStory njoftimin e Top Channel me mbishkrimin: “Champions rikthehet në Top Channel”, duke konfirmuar rikthimin e turneut në televizionin kombëtar.
Sipas njoftimit zyrtar, ndeshjet më të rëndësishme të UEFA Champions League do të transmetohen ekskluzivisht në Top Channel, duke sjellë për publikun shqiptar përballjet e klubeve dhe yjeve më të mëdhenj të futbollit europian gjatë sezonit të ri.
Me këtë marrëveshje, Champions League rikthehet sërish në ekranin e Top Channel, duke u bërë një nga ngjarjet sportive kryesore që do të ndiqet nga tifozët shqiptarë gjatë sezonit të ardhshëm.
