Në qendër të Haraçinës, aty ku shumë shpejt do të rrahë zemra e historisë sonë!Këtu, ku sot po pi një kafe me bashkëvendasit e mi, nesër do ta kemi Sheshin “07 Gushti”, sheshin e kujtesës, nderit dhe lavdisë.
Në këtë vend do të përjetësohen emrat e heronjve tanë: Komandant Telit (Lefter Koxhaj), Arben Bajrami, Abaz Beqiri, Ndriçim Koxhaj dhe Pajtim Roci.
Këtu do të ngrihet përmendorja e tyre, që çdo brez të dijë se liria nuk u dha, por u fitua me gjak!
Dhe jo vetëm kaq, në 100 ditët e para të mandatit tim, në mbledhjen e dytë të Këshillit Komunal, do të formohet komisioni për emërtimin e rrugëve dhe lagjeve të Haraçinës.
Edhe rrugicat që sot mbajnë numra, shumë shpejt do të mbajnë emra dëshmorësh, mësuesish dhe personaliteteve që dhanë dritë e lavdi Haraçinës!
Leave a Reply