“Nuk ke qenë kurrë aty për mua”/ Frazat më të dhimbshme që fëmijët e rritur u thonë sot prindërve të tyre

15

Jo çdo plagë mes prindërve dhe fëmijëve shërohet me kalimin e kohës.

Edhe pse shumë njerëz mendojnë se sfidat më të mëdha të prindërimit kalojnë kur fëmijët rriten, në fakt shumë biseda bëhen më të vështira pikërisht në moshë madhore.

Sot gjithnjë e më shumë të rinj po flasin hapur për mënyrën si e kanë përjetuar fëmijërinë, marrëdhënien me prindërit dhe problemet emocionale që kanë mbetur ndër vite.

Disa prej frazave që prindërit e kanë më të vështirë të dëgjojnë janë: “Nuk ke qenë kurrë aty për mua”, “Nuk ndihem i dashur nga ti” apo “Do doja të më kishe rritur ndryshe”.

Sipas specialistëve të marrëdhënieve familjare, këto biseda janë të dhimbshme për të dyja palët, por shpesh janë të nevojshme për të kuptuar plagët e së kaluarës dhe për të krijuar marrëdhënie më të shëndetshme.

Një tjetër realitet që po prek shumë familje lidhet me vështirësitë ekonomike.

Shumë të rinj po përballen me borxhe, qira të larta dhe kosto të papërballueshme jetese. Për këtë arsye, fraza si “Jam i mbytur në borxhe” ose “Duhet të kthehem të jetoj në shtëpi” janë bërë gjithnjë e më të zakonshme.

Në disa raste, tensionet familjare arrijnë deri aty sa fëmijët vendosin distancë nga prindërit, madje edhe në momente të rëndësishme të jetës, si martesat apo rritja e fëmijëve të tyre.

Psikologët kujtojnë se jo çdo fëmijë e përjeton dashurinë në të njëjtën mënyrë dhe se dëgjimi pa gjykim mbetet një nga gjërat më të rëndësishme në marrëdhënien mes prindërve dhe fëmijëve të rritur.