Influencerja vdes gjatë garës së notit, ishte 38-vjeçe

1

Influencuesja braziliane e fitnesit dhe triatlonistja Mara Flavia Souza Araujo ka ndërruar jetë pasi u rrëzua gjatë notit në garën e Ironman në Teksas.

Ajo u raportua e zhdukur të shtunën në mëngjes dhe trupi i saj u gjet pas një kërkimi 90-minutësh, raporton The Guardian,

Tragjedia ndodhi të shtunën në liqenin Woodlands pranë Hjustonit. Notarja u raportua e zhdukur rreth orës 7:30 të mëngjesit, por ekipet e shpëtimit nuk mundën ta gjenin menjëherë 38-vjeçaren Araujo.

Trupi i saj u zbulua nga zhytësit një orë e gjysmë më vonë në një thellësi prej tre metrash. Ajo u shpall e vdekur në vendngjarje.

Zyra e Sherifit të Qarkut Montgomery konfirmoi identitetin e saj në një deklaratë për NBC të hënën. “Mund të konfirmojmë se Mara Flavia Souza Araujo, 38 vjeç, nga Brazili, ndërroi jetë të shtunën gjatë garës Ironman në The Woodlands. Një hetim paraprak tregon se ajo u mbyt gjatë pjesës së notit të garës”, tha zyra e sherifit.